ඊයේ (23) රාත්‍රියේ අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල නිකුත් කළ අතර ඇතැම් ළමුන්ට මේ වන විට ඇති ගැටලුවක් වන්නේ විභාග අංකය අමතක වීම හෝ නොමැති වීමයි.
එලෙස විභාග අංකය අමතක වූ දරුවන්ට ජාතික හැඳුනුම්පත් අංකය භාවිත කරමින් ප්‍රතිඵල නිරීක්ෂණයට හෝ ප්‍රතිඵල ලේඛනය බාගත කරගැනීමට හැකියාව පවතින බවයි විභාග කොමසාරිස් ජනරාල් සනත් පූජිත මහතා සඳහන් කර ඇත්තේ.
එසේම විභාග දෙපාර්තමේන්තුව වැඩිදුරටත් සඳහන් කරන්නේ , විභාග ප්‍රතිඵල සම්බන්ධයෙන් යම්කිසි ගැටලුවක් පවතිනවා නම් ඒ සඳහා 011 2 784 208, 011 2 784 537 , 011 3 140 314 යන ක්ෂණික ඇමතුම් අංක තුළින් තොරතුරු ලබා ගත හැකි බවයි.