අද (23) ශ්‍රී ලංකා කණ්ඩායම ඕමානයට එරෙහිව පැවති තරගයෙන් කඩුලු 10ක විශිෂ්ට ජයක් ලබාගැනීමට මීට සුළු මොහොතකට පෙර සමත්විය.
පළමුවෙන් පන්දුවට පහර දුන් ඕමාන් කණ්ඩායම පන්දුවාර 30යි පන්දු 2කදී ලබාගත් ලකුණු 98 ට පිළිතුරු ලෙස ශ්‍රී ලංකා කණ්ඩායම පන්දු ඕවර් 15ක් අවසානයේ කිසිදු ක්‍රීඩකයකු නොදැවී ලකුණු 100 ක් ලබා ගනිමින් තරගය ජය වාර්තා කරන ලදී.
පිළිතුරු ඉනිමේ දී ශ්‍රී ලංකාව වෙනුවන් දක්ෂ පිතිකරණයක නිරතවූ දිමුත් කරුණාරත්න අර්ධ ශතකයක් රැස්කළේය.
දිමුත් පන්දු 51කට මුහුණ දී හතරේ පහර 8ක් සමගින් නොදැවී ලකුණු 61ක් රැස්කරගැනීමට සමත්විය.
ඔහුට අනගි සහයක් ලබා දෙමින් පැතුම් නිස්සංක පන්දු 39 කදී නොදැවී ලකුණු 37ක් රැස්කළේය.
මෙම තරගයේදී සුපිරි පන්දු යැවීමක නිරතවූ වනිඳු හසරංග ලකුණු 13කට කඩුලු 5ක් දවාගැනීමට සමත් වූ අතර ලහිරු කුමාරද කඩුලු 3ක් සහ කසුන් රාජිත එක් කඩුල්ලක් දවාගත්තේය.
