අද (11) සිඩ්නි හිදී ශ්‍රී ලංකාව සහ ඕස්ට්‍රේලියාව අතර පළමු 20 – 20 ක්‍රිකට් තරඟාවලිය පැවැත්වීමට නියමිතව ඇත.
එය ශ්‍රී ලංකා වේලාවෙන් පස්වරු 1.30ට ආරම්භ වේ.
ශ්‍රී ලංකා කණ්ඩායමේ පුහුණුකරු රුමේෂ් රත්නායක මහතා ඊයේ (10) පැවති මාධ්‍ය හමුවකදී සඳහන් කළේ මේ වන විට තරඟයට මුහුණ දීම සඳහා කණ්ඩායම හොඳ සූදානමකින් පසුවන බවයි.
ලසිත් මාලිංග විසින් පන්දු යැවීමේ උපක්‍රම සම්බන්ධයෙන් ශ්‍රී ලංකා කණ්ඩායමට සහය පළ කරමින් සිටියි.
අද (11) තරඟය සඳහා කුසල් මෙන්ඩිස් සහභාගී නොවන බැවින් කඩුළු රකින ක්‍රීඩකයා වශයෙන් දිනේෂ් චන්දිමාල් කණ්ඩායමට නම් කර ඇත.
එමෙන්ම ඕස්ට්‍රෙලියානු කණ්ඩායම වෙනුවෙන් ජොස් ඉන්ග්ලිෂ් අද මංගල තරඟයට ක්‍රීඩා කිරීමට නියමිත අතර ඩේවිඩ් වෝනර් වෙනුවෙන් බෙන් මැක්ඩමටි ආරම්භක පිතිකරු වශයෙන් ක්‍රීඩා කිරීමට නියමිතව ඇත.