අඩු ආදායම්ලාභී නිවාස 25000ක් සඳහා සූර්ය පැනල නොමිලයේ ලබාදීමේ ක්‍රියාවලිය කැබිනට් අනුමැතිය ලැබුණු පසුව ආරම්භ කරන බව නාගරික සංවර්ධන හා නිවාස අමාත්‍යංශය පවසයි.
නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසන්නේ එමගින් මෙගාවොට් 500 ක පුනර්ජනනීය බලශක්තියක් ජාතික විදුලිබල පද්ධතියට එකතු කිරීමට අපේක්ෂා කෙරෙන බවයි.
මෙම ව්‍යාපෘතිය පළමුව අදියර දෙකක් වශයෙන් ක්‍රියාත්මක කරනු ලබයි. අමාත්‍ය ප්‍රසන්න රණතුංග මහතා පවසන්නේ පළමු අදියර යටතේ නිවාස 10000ක් සඳහා සූර්ය පැනල මඟින් විදුලිය ලබාදීමට නියමිත බවයි. අනතුරුව දෙවැනි අදියර යටතේ නිවාස 15000ක් සඳහා සූර්ය පැනල මඟින් විදුලිය ලබාදෙන බවද අමාත්‍ය ප්‍රසන්න රණතුංග මහතා පවසයි.
එක් නිවසක් සඳහා රුපියල් මිලියන 2.5ක මුදලක් වෙන් කෙරෙන බවද අමාත්‍යවරයා වැඩිදුරටත් සඳහන් කරයි.
සරත් සමරනායක