ඊයේ (19) දින නවසීලන්තය හා ශ්‍රී ලංකාව අතර පැවති තරගයෙන් ශ්‍රී ලංකා කණ්ඩායම ලකුණු 102 කින් පරාජය වීමත් සමග ශ්‍රී ලංකාව T20 කාන්තා ලෝක කුසලානයෙන් ඉවතට යාමට සිදුවූ බව වාර්තා වේ.
ඊයේ පැවතී තරගයේ පළමුව පන්දුවට පහර දුන් නවසීලන්ත කණ්ඩායමේ ක්‍රීඩිකාවන් පන්දු ඕවර් 20 අවසානයේ කඩුළු තුනකට ලකුණු 162ක් ලබා ගෙන ඇති අතර සුසී බෙට්ස් ලකුණු 56 ක් ද ඇමීලියා කර් පන්දු 48කදී ලකුණු 66 ක් රැස් කළ බව වාර්තා වේ.
පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දු ඕවර් 15.5ක් අවසානයේ සියලුදෙනා දැවී ලබාගැනීමට හැකි වුයේ ලකුණු 60ක් පමණක් වන අතර ඉනිමේ වැඩිම ලකුණු ලාබිනිය වන නායිකා චමරි අතපත්තු ලකුණු 19 ක් ලබා ගත් බවයි වාර්තා වන්නේ.