ශ්‍රී ලංකා ක්‍රිකට් අනාගතය පෙරළියක් කිරීමට සැරසෙයි

මේ වන විට වයස අවුරුදු 19න් පහළ ලෝක කුසලාන ක්‍රිකට් තරඟාවලියේ අර්ධ අවසන් පූර්ව තරඟ ආරම්භ වී ඇත.

එංගලන්ත යොවුන් කණ්ඩායම, දකුණු අප්‍රිකානු යොවුන් කණ්ඩායම පරාජය කරමින් ඊයේ (26) පැවති පළමු තරඟයෙන් අවසන් පූර්ව වටයට සුදුසුකම් ලබා ඇත.

මේ අතර ශ්‍රී ලංකා කණ්ඩායම සහ ඇෆ්ගනිස්ථාන කණ්ඩායම අතර අර්ධ අවසන් පූර්ව තරඟය ඇන්ටිගාහි දී  අද (27) පැවැත්වීමට නියමිතව ඇත.

ශ්‍රී ලංකා වේලාවෙන් එය පස්වරු 6.30ට ආරම්භ වේ.

පුහුණුකරු අවිශ්ක ගුණවර්ධන සඳහන් කළේ මෙම තරඟාවලියේ අපරාජිත කණ්ඩායමක් වන ශ්‍රී ලංකා කණ්ඩායම මෙම තරඟය පහසුවෙන් නොසලකන බවයි.