සංචාරක ඇෆ්ගනිස්ථාන කණ්ඩායම සමග මේ වන විට පැවැත්වෙන පන්දුවාර විස්ස තරගයේ ප්‍රථමයෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 තුළ කඩුළු 6ක් දැවී ලකුණු 187ක් රැස්කර ගැනීමට සමත් වි ඇති බව වාර්තා වේ.
ශ්‍රී ලංකා පිල වෙනුවෙන් සධීර සමරවික්‍රම පන්දු 41කදි ලකුණු 51ක් රැස්කර ගත් බව සදහන්.
ඒ අනුව සධීර සිය මංගල අර්ධ ශතකය වාර්තා කිරීමට සමත් වි තිබේ.
ඇන්ජලෝ මැතිව්ස් පන්දු 22කදීී දැවැන්ත හයේ පහර 4ක් සහ හතරේ පහර 2ක් ද සමග ලකුණු 42ක් රැස්කර ගැනීමට සමත් විය.
ආරම්භක පිතිකරු පැතුම් නිශ්ශංක පන්දු 11කට ලකුණු 25ක් රැස්කර ගත්තේ හතරේ පහර 5ක් සමගිනි.
කුසල් මෙන්ඩිස් පන්දු 14කදී ලකුණු 23ක් රැස්කර ගැනීමට සමත් විය.
නායක වනිදු හසරංග පන්දු 9කදී දැවැන්ත හයේ පහර 2ක් සහ හතරේ පහරක් සමග ලකුණු 22ක් රැස්කර ගත් අතර ධනංජය සිල්වා ලකුණු 14යි.
ඒ අනුව මෙම තරගය ජය ගැනීම සදහා ඇෆ්ගනිස්ථාන කණ්ඩායම ලකුණු 188ක් රැස්කර ගත යුතු වේ.