ශ්‍රී ලාංකේය තාරුණ්‍යය බලාත්මක කිරීම සඳහා අවශ්‍ය මූල්‍යමය ශක්තිය ලබා දීමට ලබා දීමට අග්‍රාමාත්‍ය රනිල් වික්‍රමසිංහ මහතා කැමැත්ත පළ කළ බව ක්‍රීඩා හා යෞවන කටයුතු අමාත්‍ය රොෂාන් රණසිංහ මහතා පවසයි.
අමාත්‍යවරයා එසේ පැවසුවේ ඊයේ(13) අග්‍රාමාත්‍ය කාර්යාලයේ දී අග්‍රාමාත්‍යතුමා හා ක්‍රීඩා අමාත්‍යාංශයේ නිලධාරීන් පිරිසක් සමග පැවති රැස්වීමකින් අනතුරුවයි.
රටේ පවතින ආර්ථික අර්බුදය දේශපාලනමය හා සාමාජීය ,සංස්කෘතික ගැටලු නිර්මාණය වන පරිසරයක රටේ තරුණයා ගාමක බලවේගයක් වශයෙන් හඳුනාගෙන මෙහෙයවීමේ වැදගත්කම පිළිබඳව එහිදී අමාත්‍යවරයා පෙන්වා දී තිබේ.
ජාතික තරුණ සේවා සභාව, යොවුන් සේනාංකය මූලික කරගනිමින් විදේශ රැකියා වෙළෙඳපොළ ඉලක්ක කරගත් පුහුණු ශ්‍රමිකයන් නිර්මාණය කර රැකියා ගත කිරීමටත්, දේශීය හා විදේශීය වෙළෙඳපොළ ඉලක්ක කරගත් තරුණ විමසා එකෙන් බිහි බිහිකිරීමටවසායකයින් බිහිකිරීමටත් ඉදිරියේදී කටයුතු කරන බව අමාත්‍යවරයා එහිදී අග්‍රාමාත්‍යවරයා හට පවසා තිබේ.
ක්‍රීඩා හා යෞවන කටයුතු අමාත්‍යාංශය, වාරිමාර්ග අමාත්‍යාංශය ඒකාබද්ධව “යොවුන් වගා සංග්‍රාමය” ආරම්භ කරමින් තරුණ ගොවියා නිර්මාණය කිරීමටත්, ඔවුන්ට අවශ්‍ය වෙළෙඳපොළ විවර කර දීමටත් අවශ්‍ය යටිතල පහසුකම් ලබාදීමටත් අපේක්ෂා කරන බවද එහිදී අමාත්‍යවරයා පවසා තිබේ.
තොරතුරු තාක්ෂණය හා අන්තර්ජාලය ආශ්‍රිත වෙළඳපොල තුළ තරුණයා තරුණයාට අවශ්‍ය ව්‍යාපාරික ඉඩප්‍රස්ථාව ලබා දීමට කටයුතු කිරීම තමාගේ තවත් එක් අරමුණක් බව ද එහිදී අමාත්‍යවරයා පවසා තිබේ.
යොවුන් පාර්ලිමේන්තුවේ හා යෞවන සමාජ සම්මේලනයේ ඉදිරි වැඩ පිළිවෙළ පිළිබඳව ද එහිදී අමාත්‍යවරයා කරුණු පැහැදිලි කළ අතර එහිදී අග්‍රාමාත්‍යවරයා පවසා ඇත්තේ යොවුන් පාර්ලිමේන්තුව, පාර්ලිමේන්තු පනතකින් සම්මත කිරීමට අවශ්‍ය කටයුතු සිදු කරන ලෙසයි.
ඉහත අවස්ථාවට අග්‍රාමාත්‍ය ලේකම් සමන් ඒකනායක මහතා, අමාත්‍යවරයාගේ උපදේශක රවීන්ද්‍ර සමරවික්‍රම මහතා, ජාතික තරුණ සේවා සභාවේ සභාපති ආචාර්ය ටිරාන් ද සිල්වා මහතා, යොවුන් පාර්ලිමේන්තුවේ අග්‍රාමාත්‍යවරයා ඇතුළු පිරිසක් එක්ව සිටියහ.
ප්‍රසන්න අධිකාරි,
මාධ්‍ය ලේකම්,
ක්‍රීඩා හා යෞවන කටයුතු අමාත්‍යතුමාගේ
0714819207
adikari74@gmail.com