ශ්‍රී ලාංකිකයින් සිව්දෙනෙක් එංගලන්තයේ ,බේක්ස්ලීහීත් ප්‍රදේශයේ නිවසක ඇති වූ ගින්නකින් ජීවිතක්ෂයට පත්ව ඇත.
මෙලෙස මියගොස් ඇත්තේ කාන්තාවන් දෙදෙනෙක් සහ කුඩා දරුවන් දෙදෙනෙක් වන අතර තවත් පුද්ගලයෙකු තුවාල ලබා ඇති බව ද විදෙස් මාධ්‍ය වාර්තා කරයි.
ගින්නෙන් මියගොස් ඇත්තේ එම්.මතිවාතනන් නමැති පුද්ගලයාගේ බිරිඳ,දරුවන් දෙදෙනා සහ නැන්දනිය වන අතර මියගිය දරුවන් දෙදෙනා වයස අවුරුදු 04 සහ මාස 18 වයසේ පසුවූවන් බව සඳහන් වේ.
මෙම පුද්ගලයින් වසර 15ක පමණ කාලයක් එංගලන්තයේ පදිංචිව සිට ඇති අතර අදාළ නිවස මීට මාස තුනකට පමණ පෙර මිලදී ගෙන ඇති බවද වාර්තා වේ.
එම නිවසේ පහළ මහළේ මෙම ගින්න හටගෙන ඇති අතර ගින්නට හේතුව මේ වන තෙක් අනාවරණය වී නොමැත.