සංචාරක බෑගයක මිලියන 17 ක කෝකේන්

ශ්‍රී ලංකා රේගුවේ මත්ද්‍රව්‍ය පාලන අංශයේ නිලධාරීන් විසින් අද දින බණ්ඩාරනායක ජාත්‍යන්තර ගුවන් තොටුපලේදි Brazil සිට පැමිණි මැසිඩෝනියානු ජාතිකයෙක් සැකකටයුතු හැසිරීම මත නවතා පරික්ෂා කරන ලදී. එහිදී ඔහුගේ ගමන් බෑගයේ ඉතා සුක්ෂම ලෙස සඟවා තිබූ කොකේන් යන මත්ද්‍රව්‍ය 350g සොයා ගැනීමට නිලධාරීන්ට හැකි විය. මෙම සැකකරු කටාර් ගුවන් සේවයට අයත් QR664 දරණ ගුවන් යානයෙන් උදෑසන අටයි තිහට පමණ ලංකාවට ළඟා විය. සොයා ගන්නා ලද කොකේන් පැකට් හතරකට දමා සුප් පැකට් ආකාරයට අසුරා තිබිණි. මෙම කොකේන් වල වෙළෙඳපොළ වටිනාකම මිලියන 17 පමණ ආසන්න වන බව තක්සේරු කරන ලදී. සැකකරුගේ වයස 54 පමණ වන අතර ඔහු ශ්‍රී ලංකාවට පැමිණි මුල්ම අවස්ථාව මෙය බව කියයි. මේ සම්බන්ධයෙන් ඉදිරි විමර්ෂන කටයුතු ශ්‍රී ලංකා රේගු මත්ද්‍රව්‍ය පාලන අංශය විසින් සිදුකරනු ලබන අතර වැඩිදුර විමර්ශන කටයුතු සඳහා සැකකරු හා මත්ද්‍රව්‍ය ශ්‍රී ලංකා පොලිස් මත්ද්‍රව්‍ය නාශක කාර්යාංශය වෙත භාරදීමට නියමිතව ඇත.