සබරගමුව ආණ්ඩුකාරතුමනි. සමාජ සුභසාධනයේ දූෂිතයන්ගේ හිල වහමුද?.

සබරගමු පළාතේ රත්නපුර දිස්ත්‍රික්කයේ වැලිගෙපොල ප්‍රදේශීය ලේඛම් කොට්ඨාශයට අයත් පුස්සතොට ග්‍රාමනිලධාරී වසමේ මගයාය ගමේ පිහිටා තිබෙන ආර් සෝමදාස වැඩිහිටි නිවාසය පිලිබදව  මාස හයකට පමණ  පෙර මෙවැනි ලිපි දෙකකින් අප කරුණු පෙන්වා දී තිබේ. එසේම එම පළාතේම මැදගම ආයුර්වේද රෝහලේ තත්වයද අප පෙන්වා දී තිබේ. කෙසේ නමුත් එම රෝහලට ජනතාව ඉල්ලු සාදාරනය තවමත් ඉටු නොවුණු බැවින් එහි ජනතාව මහජන උද්ඝෝෂණයකට සූදානම් වෙමින් සීටී.

මෙම ආර් සෝමදාස වැඩිහිටි නිවාසයේ එවකට පැවති තත්වය ඉතා වංචා සහගත, අපිරිසිදු, දුෂිත මෙන්ම පිලිකුල් සහගත විය. එය වැඩිහිටි නිවාසයක් නොව සිර ගෙයක්, වදකාගාරයක්, ලැගුම් හලක්, අන්ත අසරණ මිනිසුන් විකුණා කන බලධාරීන්ගේ තෝතැන්නක් බවට තිබු බව අප පෙන්වා දෙන ලදී. මෙසේ වීමට මුලිකවම  වගකිව යුත්තන් ලෙස අප දුටුවේ පළාත් පරිවාස කොමසාරිස් නියෝජ්‍ය අධ්‍යක්ෂකවරියගේ හා ඒ සම්බන්ධ සියලු රාජ්‍ය නිලධාරීන් බව  ඉතා පැහැදිලිය.

ඒ මාස ගණනකට පෙරය. වර්තමානය තරමක් වෙනස්ය. එවකට එම තත්වය හමුවේ ගම් වාසීන්ගෙන් හා විවිද දානපතියන්ගෙන් ලැබුණු පෙත්සම් හා දුරකථන පණිවිඩ හේතුවෙන් වැඩිහිටි නිවාසයේ පාලනය මාස හයකට පමණ පෙර වැලිගෙපොල ප්‍රදේශිය ලේකම්වරයා යටතේ නව භාරකාර මණ්ඩලයකට පත්කර ගන්නා ලදී. ප්‍රාදේශීය ලේඛම්වරයා යටතට පත්කරගන්නා අවස්ථාවේ වැඩිහිටි නිවාසයට දාන නොතිබූ අතර සහල් කිලෝ 10ක්‌ පමණක් තිබු අතර එදින රාත්‍රී ආහාර වේලෙන් පසු වැඩිහිටියන්ට අහාර නොමැති තත්වයක් උදා වී තිබු බව අප වාර්තා කරන ලදී.

කෙසේ නමුත් තම කටයුතුවලට අමතරව රාජ්‍ය  මෙම වගකීමද කරට ගත්  වැලිගෙපොල ප්‍රදීශීය ලේකම් අනුරාධ ජයකොඩි මහතාගේ අධීක්ෂණය යටතේ ස්වෙච්චාවෙන් පත් වු භාරකාර මණ්ඩලය මෙම වැඩිහිටි නිවාසය යහපත් ස්ථානයක් බවට පත්කිරීමට මාස හයක් තුල අපමණ වෙහෙසක් ගෙන ඇති බව 2023.02.02 දින  එහි ගිය අපට දැක  ගත හැකිවිය. ඔවුන් ඉතාම සාර්ථක ලෙස එය ගොඩනගා තිබේ.

කෙසේ නමුත් ප්‍රාදේශීය ලේකම්වරයා සමග කටයුතු කල පාලක මණ්ඩලය ඉවත් කොට සබරගමුපළාත් පරිවාස දෙපාර්තමේන්තුවට පැමිණි නව කොමසාරිස්වරිය සභාපති කරමින් රාජ්‍ය නිලධාරීන්ගෙන් යුත් පාලක මණ්ඩලයක් යටතට වැඩිහිටි නිවාසයේ පාලනය පත් කර ගන්නා ලදී.  එම පවරා ගැනීමේ රැස්වීමේදී පෙර නිලධාරී මඩුල්ල හා පාලක කණ්ඩායම ලෙස ක්‍රියා කල ප්‍රදේශයේ ස්වෙච්චා සිව්ල් පුරවැසියන්  මෙම නිවාසයේ සිදුවන  සියලුම දුෂණයන් වැඩිහිට්යන් හට සලකන ආකාරයන් මෙන්ම වැඩිහිටියන් හට පහර දීම් වැනි සිදුවීම් නව කොමසාරිස්වරියට පැමිණිලිකරන ලදී.

කෙසේ නමුත් මෙහිදී සබරගමුව පළාත් පරිවාස සහ ළමාරක්ෂක කටයුතු භාර නියෝජ්‍ය අධ්‍යක්ෂිකා චතුරංගනී ප්‍රේමරත්න, සමාජ සේවා නිලධාරියෙකු වන නිහාල් සහ සමාජ සේවා නිලධාරිනියක් වන මංගලිකා යන නිලධාරීන්ට ද සෘජුවම චෝදනා එල්ල විය. ඒ මෙම වැඩිහිටි නිවාසයේ තිබු තිබු ගැටළු පැමිණිලි කලත් කිසිදු ක්‍රියාමාර්ගයක් නොගැනීම පිලිබදවයි. එම නිධාරිනිය ඉදිරියේම  රැස්ව සිටි බොහෝ අය ඇයට චෝදනා එල්ල කළේය. ඔවුන්ගෙන් නිහාල් නැමැති පුද්ගලයා හැර අනෙක්සි අය සියලු දෙනා ඉදිරියේ තම වරද පිළිගන්නා ලදී. එසේම නිලධාරියෙක් වන නිහාල් යන අය රාජ්‍ය නිලධාරියකු හට නොගැලපෙන අයුරින් සිවිල් පුරවැසියන් සමග වචන හුවමාරුවක්ද සිදුකරගන්නා ලදී.

ප්‍රදේශවාසීන් චෝදනා කරන්නේ මෙහි පැමිණි නිලධාරීන් තිදෙනකු මෙම දුෂණ සදහා ඍජුවම සම්බන්ධ බවයි. එම සභාවේ සිටි රජය නිලධාරීන් මෙම නිවාසයේ පෙර සිටි (මෙම අවස්ථාවට පැමිණ නොසිටි) පාලිකාවක් මුල් කර ගනිමින් එවකට සිටි ස්වෙච්චා පාලකයන්හට වරද පටවමින් චෝදනා කරමින්  කිසිදු වගකීමක් නොමැති නිලධාරීන් ලෙස හැසිරෙනු දැකගත හැකි විය.

මේ  අතර මෙම සිදුවීම වාර්තා කිරීමට පැමිණි සිටි මාධ්‍යවේදීන් හට මෙහිදී සබරගමුව පළාත් පරිවාස සහ ළමාරක්ෂක කටයුතු භාර නියෝජ්‍ය අධ්‍යක්ෂිකා චතුරංගනී ප්‍රේමරත්න මහත්මිය  කොමසාරිස්වරිය  විරෝදය දැක් වූ අවස්තාවේ ප්‍රදේශ වාසීන් පවසා සිටියේ මෙහි සැගවීමට කිසිත් නොමැති බවත් සියලු දේ සියලු දෙනා සත්‍ය දැනගත යුතු බවය. කෙසේ නමුත් නියෝජ්‍ය අධ්‍යක්ෂකවරිය මෙහි සිදුව තිබෙන දූෂිත ක්‍රියා දැනගෙන සීටී බවත් ඉන් යම් මුදලක් ඇයද රැගෙන තිබෙන බවටද චෝදනා එල්ල විය.

කෙසේ නමුත් මෙම වැඩිහිටි නිවාසය විනාශ කරමින් වැඩිහිටියන්ට මරණ වරෙන්තු ලිය වු රාජ්‍ය නිලධාරීන් නැවත වරක් මෙහි පාලකයෝ ලෙස පත්විය. මූල්‍ය චෝදනා ලත් නියෝජ්‍ය අද්‍යක්ෂවරිය නව පාලක මණ්ඩලයේ උප සභාපති ලෙසත්, මූල්‍ය චෝදනා ලත් හිටපු මූල්‍ය කටයුතු කළ නිහාල් නැමැති රාජ්‍ය නිලධාරීයාම නැවතත් එම තනතුරටම නියෝජ්‍ය අද්‍යක්ෂිකාව විසින් පත් කරගන්නා ලදී. රැස්ව සීටී ජනතාව එයට විරෝධය එල්ලකලද පලක් වුයේ නැත.

ගම්වාසීන් චෝදනා කරන්නේ රාජ්‍ය නිලධාරීන් විසින් විනාශ කරණ ලද නිවාසය නැවත යතාතත්වයට පත් කරගෙන එනවාත් සමගම එම දුෂිත රාජ්‍ය නිලධාරීන්ම නැවත පත්කර ගනිමින් ඔහුනට එල්ලවන චෝදනා වලින් මිදීම සදහා පරීක්ෂණ වෙනතකට යොමු කිරීමේ අරමුණින් කුමන්ත්‍රණ කාරී ලෙස පරීක්ෂණ යටපත් කිරීම සදහා මෙම නිලධාරී මණ්ඩලය පත් කර ගත් බවයි.

පළාත් පරිවාස දෙපාර්තමේන්තුව යටතේ පාලනය වන මෙම වැඩිහිටි නිවාසයේ  මුල්‍ය හා වාණිජමය වටිනාකම්වලින් සමන්විත බොහෝ  සම්පත් අත්තනෝමතික ලෙස කිසිදු ලිකිත හෝ වාචික දැනුන් දීමකින් තොරව අවභාවිතා වි හමාරය. සිදුව ඇති දුෂණය වංචාව හා අක්‍රමිකතා පිළබදව විදිමත් හා අපක්ෂපාතී පරීක්ෂණයක් ක්‍රමවත්ව හා සාධාරණව සිදුකොට දුශිතයනට රාජ්‍ය හා රාජ්‍ය නොවන සියලුදෙනා හට නිසි දඩුවම් ලබා දෙන ලෙසත් නිවාසයේ වැඩිහිටියන් හට සාධාරණය ඉෂ්ට කරන ලෙස සබරගමු පළාත් ආණ්ඩුකාරවරයාගෙන් ජනතාව ඉල්ලා සීටී. මෙම නිලධාරීන්ගේ දූෂිත කටයුතු සිදුව තිබෙන්නේ ආණ්ඩුකාර ටිකිරි කොබ්බැකඩුව මහතා පැමිණීමට පෙරය.

මේ සියලු චෝදනා පැමිණිල්ලක් ලෙස බාරගත් කොමසාරිස්වරිය එය විගණනයකට ලක්‌කර ඒ අනුව කටයුතු කරන බව දන්වන ලද නමුත් චෝදනා එල්ල වු රාජ්‍ය නිලධාරීන්ම නැවත වරක් එම තනතුරුවලට පත්කිරීම ආයතන සංග්‍රහය යටතේ බරපතල වරදකි.

පෙර පුවත.

දූෂිත පරිපාලනය නිසා පීඩා විඳින වැඩි හිටි නිවාසයක්!. වැඩිහිටියන්ගේ ආහාරත් විකුනලා.
https://www.ravanalankanews.lk/%e0%b6%af%e0%b7%96%e0%b7%82%e0%b7%92%e0%b6%ad-%e0%b6%b4%e0%b6%bb%e0%b7%92%e0%b6%b4%e0%b7%8f%e0%b6%bd%e0%b6%b1%e0%b6%ba-%e0%b6%b1%e0%b7%92%e0%b7%83%e0%b7%8f-%e0%b6%b4%e0%b7%93%e0%b6%a9%e0%b7%8f/