මෙවර ICC ලෝක කුසලාන 20 යි 20 ක්‍රිකට් තරඟාවලියේ ශ්‍රී ලංකාව සහභාගි වන සුපිරි 12 දෙනාගේ වටයේ පළමු තරඟය අද (23) අයර්ලන්ත කණ්ඩායම සමඟ පැවැත්වීමට නියමිතව ඇත.
මෙම තරඟය Hobart හී Bellerive Oval ක්‍රීඩාංගණයේදී මෙරට වේලාවෙන් උදෑසන 9.30 ට ආරම්භ වේ.
ශ්‍රී ලංකාව Group A කාණ්ඩයෙන් පළමවැනියා වෙමින් සුපිරි 12 දෙනාගේ වටයට සුදුසුකම් ලැබූ අතර, අයර්ලන්තය Group B කාණ්ඩයෙන් දෙවැනියා වෙමින් 12 දෙනාගේ අවසන් වටය සඳහා සුදුසුකම් සපුරා ගන්නා ලදී.
එසේම විශේෂත්වය වන්නේ පසුගිය 2012 සහ 2016 වසර දෙකෙහිම ලෝක කුසලානය දිනාගත් කොදෙව් පිළ පරාජය කරමින් මෙම වටය සඳහා අයර්ලන්ත කණ්ඩායම සුදුසුකම් ලැබීම යි.කෙසේ වෙතත් එම පරාජයත් සමඟ කොදෙව් කණ්ඩායමට ලෝක කුසලාන තරඟාවලියෙන්ම ඉවත් වීමට සිදු විය.
ශ්‍රී ලංකාව සහ අයර්ලන්තය අතර පැවැත්වීමට නියමිත සුපිරි 12 දෙනාගේ වටයේ පළමු තරඟයට ආබාධයට ලක්ව සිටි ප්‍රමෝද් මදුසංක සහ පැතුම් නිශ්ශංක ක්‍රීඩා කිරීමට නියමිතව ඇත.
