පසුගිය දිනක රිදියගම සත්වෝද්‍යානයේ දී උපත ලද “ඩෝරා” නමැති සිංහ පැටවා අද (18) සිට මහජන ප්‍රදර්ශනයට තබන බව රිදියගම සත්වෝද්‍යානයේ භාරකරු සහකාර අධ්‍යක්ෂ හේමන්ත සමරසේකර මහතා පැවසීය.
2021.07.26 දින උපත ලද ඩෝරා සිංහ පැටවාට මේ වන විට වයස මාස හතහමාරක් පමණ වේ.
ඩෝරා මහජන ප්‍රදර්ශනයට තැබුව ද රංචුවකට එක්කිරීමට තරම් සුදුසු තත්ත්වයකට පැමිණෙන තෙක් ඩෝරා හුදෙකලාව තැබීමට නිලධාරින් කටයුතු කර ඇත.
රිදියගම සෆාරි උද්‍යානයේ සිටින “ලාරා” නමැති සිංහ ධේනුව විසින් බිහිකරන ලද පළමු සිංහ පැටවා “ඩෝරා” වේ.
මේ වන විට රිදියගම සෆාරි උද්‍යානය තුළ සිංහයින් 15 දෙනෙකු සිටින අතර ඉන් 08 දෙනෙකු එම උද්‍යානයේම උපත ලද සිංහ පැටවුන් වේ.