වැලිපැන්න ,ගල්මත්ත වලගෙදර ප්‍රදේශයේ ප්‍රධාන පාසලක් ඉදිරිපිට කුඩා පෙට්ටි කඩයක තිබු මත් ගුලි පැකට් 126 ක් අද (20 ) දහවල් අත් අඩංගුවට ගත් බව වාර්තා වේ .
මෙම මත්ගුලි පාසල ඉදිරිපිට බුලත්විට,ටොෆි ,චොකලට් අළෙවිහලක තබා දරුවන්ට අළෙවි කරන බවට වැලිපැන්න පොලිසියට ලද තොරතුරක් මත මෙම වැටලීම සිදුකර ඇති අතර එහිදී එම මත් ගුලි සමග වෙළඳසලේ හිමිකරු වලගෙදර ප්‍රදේශයේ පදිංචි (49) හැවිරිදි පුද්ගලයකු අත්අඩංගුවට ගෙන තිබේ .
වැලිපැන්න පොලිස් ස්ථානාධිපති ප්‍රධාන පොලිස් පරික්ෂක චමින්ද ද සිල්වා මහතාගේ උපදෙස් මත උප පොලිස් පරික්ෂක උපාලි රංජිත් මහතා ඇතුළු පොලිස් නිලධාරින් පිරිසක් මෙම වැටලීම සිදුකර ඇති බව ද වාර්තා වේ .