මෙරට අත්අඩංගුවේ පසුවන සංවිධානාත්මක අපරාධ කල්ලි සාමාජිකයෙකු වන නදුන් චින්තක හෙවත් හරක් කටාගේ මෙරට අපරාධ හා කුඩු ජාලය මෙහෙයවන ආමි සනත් නැමැත්තා මත්ද්‍රව්‍ය සමග පොලිස් විශේෂ කාර්ය බලකාය අත්අඩංගුවට ගෙන තිබෙන බවට වාර්තා වේ.
අහංගම -මිදීගම ප්‍රදේශයේ ඊයේ සිදුකළ වැටලීමකදී අත්අඩංගුවට ගත් 32 හැවිරිදි මොහු පසුගිය කාලයේ හරක් කටාගේ වෙඩි තැබීම් කිහිපයකටද අනුබල දී ඇති අතර ගිනි අවි ප්‍රවාහනය කිරීම සහ වෙඩි තැබීම්වලින් පසුව එම අවි පිරිසිදු කර හරක් කටාගේ උපදෙස් මත විවිධ පුද්ගලයන්ට භාරදීමද මොහු විසින් සිදු කර ඇති බවට අනාවරණය වේ.