ෆයිසර් එන්නත් තොගයක් දිවයිනට

ෆයිසර් එන්නත් මාත්‍රා 73,000ක් රැගත් ගුවන් යානයක් කටුනායක ගුවන් තොටුපොළට අද (20) අලුයම පැමිණ ඇත.

මෙම එන්නත් තොගය කටාර් ගුවන් සේවයට අයත් භාණ්ඩ ප්‍රවාහන ගුවන් යානයකින් අද අලුයම 02.10ට පමණ කටුනායක වෙත රැගෙනවිත් ඇති බව වාර්තාවෙයි.

දිවයිනට රැගෙන ඒමෙන් අනතුරුව අදාළ එන්නත් තොගය ශ්‍රී ලංකා ඖෂධ නීතිගත සංස්ථාවට අයත් ශීතකරණ පහසුකම් සහිත ලොරි රථ මගින් කොළඹ පිහිටි මධ්‍යම ගබඩා සංකීර්ණය වෙත රැගෙන ගොස් ඇත.