ශ්‍රී ලංකාව සහ ඔස්ට්‍රේලියාව අතර තෙවන 20-20 තරඟය අද පැවැත්වේ.
අද තරඟාවලියේ ප්‍රථමයෙන් පන්දුවට පහරදුන් ශ්‍රී ලංකාව 06ක් දැවී ලකුණු 121ක් රැස්කර ගැනීමට සමත්විය.
තරඟ ආරම්භයේ දී ශ්‍රී ලංකා පිල එතරම් සවිමත් නොවූවද අවසානයේ දී චන්දිමාල් සහ නායක දසුන් ශානක ශ්‍රී ලංකා ඉනිම තරමක් ඉදිරියට රැගෙන ඒමට සමත් විය.
පැතුම් නිස්සංක ආරම්භයේ සිටම කණ්ඩායම සවිමත් කිරීම උත්සහ දැරුවද ඔහු නොසිතූ ලෙස දැවී ගියේ හතරේ සීමාව ආසන්නයේ දී ඩැනියල් සෑම්ස් විසින් උඩපන්දුවක් රැකගැනීමෙනි.
පැතුම් නිස්සංක පන්දු 21කට ලකුණු 16ක් රැස්කරගත් අතර පන්දු 38කදී නායක දසුන් ශානක ලකුණු 39ක් රැස්කරගැනීමට සමත් විය.
දිනේෂ් චන්දිමාල් පන්දු 29කදී ලකුණු 25ක් රැස්කරගන්නා ලදී.