අපගේ ප්‍රධානතම ඉලක්කය නම් වංචා, දූෂණ, අක්‍රමිකතා මෙන්ම විවිධ අකටයුතුකම් වලට එරෙහිව සාධාරණ සාක්ෂි ඔස්සේ අදාල පුද්ගලයන්ට එරෙහිව ලිවීම සහ ඔවුන්ගෙන් සමාජයට සිදුවන හානිය පිලිබදව පෙන්වා දීමයි.
අප මේ සිදුකරන්නට යන්නේද, ගුවන් යානා විශාල ප්‍රමාණයක් පියාසර තත්වයේ නැති 38000 කට ආසන්න සාමාජිකයන් ප්‍රමාණයක් සිටින, ශ්‍රී ලංකා ගුවන් හමුදාවේ සැප පමණක් විදින, ජනතාව ගැන තියා තමන්ගේ හමුදාවේ සාමාජිකයන් ගැනවත් නොහිතන වර්තමාන ගුවන් හමුදා නායකයන් දෙදෙනෙකුගේ තවත් අසෝභන ක්‍රියාවක් එලි දැක්වීමටයි.
අපට ලැබුණු තොරතුරට අනුව ශ්‍රී ලංකාව ගුවන් හමුදාව කොළඹ නමැති කඳවුරක සැරයන්වරුන්ගේ නිවස්නයේ අරක්කු සාධයක් පැවැත්වීමට කටයුතු යොදා තිබේ. ඒ මේ මස 23 වැනිදාය. රත්මලානෙ තිබෙන ගුවන් හමුදාවට අයත් උත්සව ශාලාවක එය පැවැත්වීමට නියමිතව තිබෙන අතර මේ වන විට එහි අහාර ඇතුළු අනෙකුත් ද්‍රව්‍ය සදහා වියදම රුපියල් ලක්ෂ 90 ක් බවට අප වෙත ලැබී තිබෙන ලේඛනවල සදහන් වේ. ඊට අමතරව ගුවන් හමුදා නිලධාරීන් මෙන්ම අනෙකුත් සියලුම දෙනා රත්මලානට ගමන් කරන්නේ හමුදාවට අයත් නිල රථ මෙන්ම බස් රථ වලිනි. එම වියදම්ද සමග ගත් විට එහි වියදම කෝටි එක හමාරකට වැඩි විය හැකිය. මෙම කොළඹ කඳවුරේ අණදෙන නිලධාරියා වන්නේ ගුවන් හමුදාවේ හිටපු බුද්ධි අධ්‍යක්ෂක වන ඩිල්ෂාන් වාසගේ නමැති පාලනයේ යම් දක්ෂතාවයක් ඇති පුද්ගලයෙකි. නමුත් රාජපක්ෂවරුන් සමගද සමීප සබඳතා ඇති පුද්ගලයෙකි.
වර්තමාන ගුවන් හමුදාධිපති සුදර්ශන පතිරණ යනු ජනතාවගේ නායකයා ලෙස පත්ව ජනතාව වෙනුවෙන් සියලු බලතල ලබාගෙන පාර්ලිමේන්තුව රූකඩ මඩුවක් බවට පත් කල ගෝඨාභය රාජපක්ෂ මහතාගේ ඇමෙරිකානු මිත්‍රයෙකි. නමුත් ඔහුගේ බොහෝ වැඩ වලින් සවුත්තු වුයේ ද ජනාධිපතිවරයාය. ජනාධිපතිවරයා අසාර්ථකම නායකයෙක් බවට පත්කලේම ඔහුගේම නෑදෑයන් මෙන්ම හිතවත් හමුදා නායකයන්ය.
වර්තමාන ගුවන් හමුදාධිපතිවරයා පිලිබදව බොහෝ කතා තිබේ. නමුත් හමුදාධිපතිවරයෙකු ලෙස පත් වූ විට ඔහු දක්ෂ විය යුත්තේ පාලනයට වේ. වර්තමාන ගුවන් හමුදාධිපති අණදෙන නිලධාරි තනතුරකටවත් නුසුදුසු පුද්ගලයෙක් බවට තිරණය කර තිබුනේ හිටපු ගුවන් හමුදාධිපතිවරයෙකු වූ ගඟන් බුලත්සිංහලය. නමුත් ඔහුට අහිමි වූ ඔහුගේ ජේෂ්ඨ තත්වය නැවත ලබා දී ගුවන් හමුදාධිපති තනතුරට පත් වීම සදහා මග සකසා දී තිබෙන්නේ හිටපු ගුවන් හමුදාධිපතිවරයෙකු වන කපිල ජයම්පතිය. අපට වාර්තා වන ආකාරයට පසු ගිය කාලවකවනුවකදී අපරාධ පරීක්ෂණ දෙපාර්තමේන්තුව හරහා කපිල ජයම්පතිව අත් අඩංගුවට ගැනීමට සැලසුම් සකස් කර ක්‍රියාත්මක කලද, එය ව්‍යර්තව ගොස් තිබුණි.
ඩිල්ෂාන් වාසගේ නමැති ගුවන් කොමදෝරුවරයා වීරවිල ගුවන් හමුදා කඳවුරේ අණදෙන නිලධාරියාව සිටි සමයේ වීරවිල කඳවුරේ අරමුදල් යොදවාගෙන සිතුල්පව්වේ බුදුමැදුරක් සාදා එය රාජපක්ෂවරුන් ලවා විවෘත කරවා තිබේ. තතු දත් ආරංචිමාර්ග සදහන් කරන්නේ එම බුදු මැදුරේ ඔහුගේ සහ ඔහුගේ බිරිදගේ නම යොදා තිබෙන බවයි.
එසේම වීරවිල ඔහු සිටින සමයේම සැපයුම් ප්‍රවාහයට සම්බන්ධ ගබඩාවක භාණ්ඩ හොරකමක් සිදු කිරීම නිසා එම හොරකමට සම්බන්ද නැතිව සිටි, සහ ඔහුගේ උපදේශ මත කටයුතු කර තිබෙන ගුවන් කාන්තාවන් දෙදෙනෙකු ගුවන් හමුදාවෙන් නෙරපා හැර තිබේ. එසේම කිසිදු වරදක් නොකළ සැරයන් වරයෙක් සහ විශ්‍රාම යාමට මාස 6 ක් පමණ තිබු බලලත් නිලධාරිවරයෙක්ද ගුවන් හමුදාවෙන් නෙරපා හැරීමට කටයුතු කර තිබේ. එසේ කටයුතු වන තෙක් නීති අධ්‍යක්ෂකද උඩ බලාගෙන සිට තිබේ. එකල ගුවන් හමුදාධිපතිව සිට තිබෙන්නේ කෝලිත ගුණතිලකය. වරද කිරීමට ආධාර අනුබල දුන් අණදෙන නිලධාරීවරයා සහ එය කිරීමට ඉඩ හැර රූකඩයක් සේ බලා සිටි නීති අධ්‍යක්ෂක තවමත් සැප ජීවිතයක් ගත කරති. නමුත් නීති විරෝදී ලෙස ඉවත් කල පුද්ගලයන් දැඩි පීඩාවකින් ජීවත් වන්නේ මෙම වාසගේ, රූකඩ නීති අධ්‍යක්ෂකට මෙන්ම හිටපු ගුවන් හමුදාධිපති කෝලිත ගුණතිලකගේ දෙමාපියන් මතක් කරමින් ඔවුන්ට සාප කරමිනි. අප ලග තිබෙන තොරතුරු මත තව බොහෝ දේ ලිවිය හැකිය.
එවන් අකාරයෙන් කටයුතු කල ගුවන් හමුදා නායකයන්ට රටක ජනතාවක් දුක් විදීමෙන් පලක් නැත. එසේම ලජ්ජා නහරද කපා දමා තිබේ. මේ ලක්ෂ ගානක මුදල වියදම් කර පාරවල් වල දුක් විදින ජනතාව වෙනුවෙන් අහාර වේල් ගනනාවක් ලබා දිය හැකිය. එසේම මේවා මේ අවස්ථාවේ සිදුකිරීම සුදුසු නැති බව සිතන්නට ගුවන් හමුදාධිපතිට, එහි අණදෙන නිලධාරියාට, එම ස්ථාන භාර නිලධාරින්ට නොපෙනේ නම් ඔවුන් තරම්වත් දැනුමක් නැති අනෙකුත් අයට දැනේවිද?. අපට ලියන්නට තිබෙන්නේ ගුවන් හමුදාවේ බහුතරයක් නායකයන් ජීවත් වන්නේ සැප ගොඩක බැවින් ඔවුන්ට ජනතාවගේ දුක ගැන කිසිදු දැනුමක් නැති බවයි. ජනතාව ගැන කෙසේ වෙතත් බහුතරයකට තමන්ගේ භටයන් වෙනුවෙන්වත් පෙනී සිටීමට අවශ්‍ය නැත. දැනුමක් තිබුනත් ඔවුන්ට එය පලක් නැති අතර එවන් හමුදාවක අනාගත ඉරණම ශ්‍රී ලංකා පොලිස් දෙපාර්තමේන්තුවටත් වඩා පහලට වැටුණු දූෂිත ආයතනයකි. එය මේ වන විටත් සිදුව තිබේ. ඒ පිලිබඳවත් සම්පූර්ණ වාර්තාවක් අප නුදුරේදීම ඔබට ඉදිරිපත්කරන අතර ගුවන් හමුදාව යනු හමුදා නායකයන්ගේ බූදලයක් නොවන බවද, එය ශ්‍රී ලංකාවේ සියලුම පුරවැසියන්ට හිමි, ඔවුන්ගෙන් වැටුප් ලබන ආයතනයක් බවද නීතිවිරෝදී වැඩ කරන, කිසිදු සාධාරණ මානසික හැගීමක් නැති නිලධාරින්ගේ දැන ගැනීම පිණිස සටහන් කරමු. එසේම ශ්‍රී ලංකා ගුවන් හමුදාවේ ඉතාම විශිෂ්ඨ මානව වාදී ජේෂ්ඨ නිලධාරින් ඉතාම අතලොස්සක් සිටින බවද මෙම ලිපිය මෙන්ම අප වාර්තා කරන සියලුම දේ සඳහන් කරනුයේ ඔවුන් වැනි නිලධාරීන් තව තවත් ගුවන් හමුදාවට බිහි වීම සඳහාය .
