වාර්තාවල සදහන් වන ආකාරයට විශේෂ කාර්ය බලකාය නොහොත් STF පිහිටුවන්නේ 1983 වර්ෂයේදී වන අතර එහි ප්‍රධානියා වී ඇත්තේ 1960 රෝම ඔලිම්පික් ක්‍රීඩක සහ දැනට සිටි ජ්‍යෙෂ්ඨ පොලිස් අධිකාරී ධර්මසිරි වීරකෝන් මහතාය. ඔවුන්ගේ හැසිරීම ගැඹුරු පැරා මිලිටරි සංවිධානයකට සමාන බැවින් එය ශ්‍රී ලංකාවට විශේෂ ආයතනයකි. ශ්‍රී ලංකාවේ පවතින සියලුම ආයතන සහ ඒවායේ තීරක පන්තියෙන් බහුතරයක් නීතිවිරෝදී කටයුතුවල යෙදීම නිසා රටක් ලෙස අපට සිදුව තිබෙන දැවැන්ත හානිය සුළුපටු නොවේ. අප සියලුම දෙනා අනිවාර්යෙන්ම වැරදි නොකර ගමනක් යා යුතුය. අපගේ ලියවිලිවලින් අදහස් කරන්නේද කිසිවෙකුටත් රැකියාව හෝ උසස්වීම් හෝ අහිමිකරවීම නොවේ. එකම අවශ්‍යතාවය සියල්ලම නිවැරදි කරවීම අවශ්‍ය බව පෙන්වීම පමණි.
අප විශේෂ කාර්ය බලකාය ගැන මීට පෙරද වාර්තා ගණනාවක් අප ඉදිරිපත් කර තිබේ. ඒවාට විවිධ පිළිතුරුද අපට ලැබී තිබෙන අතර සමහර පිළිතුරු සාධාරණීකරණය කිරීමද කල හැකි අතර පරිපාලනයේදී විවිධ ගැටළු ඇති වීම ද සාමාන්‍ය දෙයකි. නමුත් ආරක්ෂක අංශ වලදී එවැනි පරිපාලන ක්‍රියාවන් කිරීමේදී සියලුම දෙනාට සමානව සැලකීම තුලින් එවැනි ගැටළු ඇති වීම වලක්වා ගත හැකිය. ඒ සදහා ඔවුන් රටේ පවතින නීතිය දැනගෙන සිටිය යුතුය.
කෙසේ වෙතත් පොලිස් විශේෂ කාර්ය බළකාය කොටි ත්‍රස්තවාදීන්ගෙන් රට බේරා ගැනීමට සිදු කළ දායකත්වය බොහෝ දෙනෙකු අමතක කර තිබේ. නමුත් අතීතය මතක් කර කර වර්තමානයේ සිදුකරන වැරදි වසා ගැනීමට ලෙහෙසි පහසු නැත. එහෙත් ඔවුන් හෙලු, රුධිරය පූජා කළ ජීවිත මත අද සියලුම දෙනා සතුටින් සාමයෙන් සිටින්නෝය. එසේ රාජකාරි කළ පොලිස් විශේෂ කාර්ය බළකා නිලධාරීන් අද වන විට අණදෙන නිලධාරී වරුණ ජයසුන්දර ගේ පාලනයට අමතරව ගිණුම් අංශයේ සිවිල් නිලධාරිනියකගේ අණසකටද යටත් වී තිබේ. ස්ථානමාරු කිරීම් ඇතුළු විවිධ කටයුතු මෙහෙයවීම මෙම නිලධාරිනිය විසින් සිදු කරනු ලබන බව පොලිස් නිලධාරීන් චෝදනා කරයි. අතමිට මුදල් නොමැති නිලධාරීන් තමාගේ අනාගත සිහිනය වන නිවසක් තනා ගැනීම වාහනයක් යතුරුපැදියක් මිලදී ගැනීම බොහෝ විට බැංකු ණය සඳහා අයදුම් කිරීම සිදුකරයි. එම ණය ලබා ගැනීමට තම වැටුපෙන් ණය ගෙවීමට 40% තිබෙන බව බැංකුවට තහවුරු කිරීමට ලිපියක් අවශ්‍යව තිබේ. මෙම දූෂිත නිලධාරිනිය විසින් එම නිලධාරීන්ගෙන් අල්ලස් මුදල් ලබාගන්නේ මෙය 40% පෙන්වීමටයි. එම මුදල් ලබා නොදුනහොත් ඔහු අයදුම්කරන බැංකුවට සියයට හතළිහක් නොමැති බව දන්නවා යැවීමක් සිදු කරනු ලබයි. මේ හේතුව නිසා ණය අයදුම් කරන්නන්ගේ ණය මුදල බැංකුවෙන් ප්‍රතික්ෂේප කරනු ඇත.
කෙසේ වෙතත් එය සිදුකර දීම සඳහා ඇයගෙන් ලිපියක් ලබා ගැනීමට රුපියල් 10,000 ක මුදලක් අල්ලස් වශයෙන් ලබා දිය යුතු බවද පැවසේ. අල්ලස් දුන් නිලදාරීන් සියල්ලන්ම කාටවත් මේ බවට පැමිණිලි නොකරයි. පැමිණිලි කිරීමෙන් සිදුවන්නේ ඔවුන්ගේ අවශ්‍යතාවය ඉටු නොවේ. මෙම දූෂිත ක්‍රියා වලට රහ වැටී ඇති ඇය මේ වන විට විශේෂ කාර්ය බළකා මූලස්ථානය හැර නොයා වසර දහයකට අධික කාලයක් එකම ස්ථානයේ රැඳී සිටින්නේ බලකායේ පාලනය ද ඇය අතට ගනිමිනි.
දූෂිත කටයුතු වලට එරෙහි වූ ගණකාධිකාරවරුන් තිදෙනෙකු පමණ මේ වන විට ස්ථාන මාරු කිරීමට ඇය සමත් වී තිබේ. යුද්ධය වෙනුවෙන් රට වෙනුවෙන් රුධිරය හෙලූ අභීත නිළධාරින් ස්ථාන මාරු කිරීමේ කටයුත්ත ද මේ වන විට ඇය භාරයේ තිබෙන බව පොලිස් විශේෂ කාර්ය බලකා ආරංචි මාර්ග සඳහන් කරයි.
උසස් වීම් ලබා දීමටද හැකියාවක් තිබෙන ඇය මෑතකදී තමන්ට ආවතේව කල දෙදෙනෙකුට උසස් වීම් ලබා දුන් බව ප්‍රසිද්ධ රහසක්ව බවද විශේෂ කාර්ය බලකා ආරංචි මාර්ග සදහන් කරයි. පාතාලය සමග සටන් කර ලංකාවට මහඟු සේවයක් කළ උසස් නිලධාරියෙකු ඇය සහ මානව සම්පත් ලොක්කකු එකතුව උතුරු පළාතට යවා දැමු බවද ඒ සදහා බොහෝ පිරිසක් විරෝධය පෑ බවද සඳහන් වේ. කෙසේ නමුත් ස්ථාන මරුවීම් වැනි දේවල් සාමාන්‍ය දේවල් වුවත් ආරංචි මාර්ග පවසන පරිදි මෙම ස්ථානමාරුව සිදුකර ඇත්තේ යම් පලිගැනීමකටය. එම නිලධාරියා ස්ථානමාරු යාමට ප්‍රථම පවසා ඇත්තේ “මට කරපු මේ අසාධාරණ වැඩේට බලාගමු අපි රට වෙනුවෙන් වැඩ කරපු එවුන්” යනුවෙන් බවද සාක්ෂි සහිතවම අප වෙත ලැබී තිබේ.
පොලිස් විශේෂ කාර්ය බළකායේ අණදෙන නිලධාරි වරුණ ජයසුන්දර ද මැයගේ වීර ක්‍රියා දන්නා බැවින් නිහඬ ව සිටින්නේ යම් විදේශ රාජකාරියක් සඳහා පිටත් වන තෙක් පුටුව රැකගැනීමට බවද පැවසේ. කෙසේ වුවත් මෙසේ වැදගත් ආයතනයක ප්‍රධානියටද පාලනය කරගැනීමට නොහැකි මේ කාන්තාව නිසා වරුණ ජයසුන්දර මහතාටද නිහඩව සිටීමට සිදුව තිබේ නම් එය කණගාටුවට කරුනක නොවේ. එයින් කියවෙන්නේ ආරක්ෂක අංශවල රාජකාරියට සිවිල් කාන්තාවන් යෙදවීම නුසුදුසු බවයි. ඕනෑම ආරක්ෂක අංශ නිලධාරියෙකු අසරණ වන්නේ යමක් සිදුවූ විට ඔහුව බේරා ගැනීම සඳහා කිසිවෙකුත් නොමැති බැවිනි. එවැනි දේවල් පිලිබදව අපටද ඕනා තරම් අත්දැකීම් තිබේ. රාජ්‍ය පරිපාලන ලේකම් තුමනි, ඔබගේ අවධානය මේ පිළිබඳව යොමු නොවුන හොත් පොලිස් විශේෂ කාර්ය බලකායේ නිලධාරීන්ගේ බිඳ වැටීමෙන් ඔවුන්ගේ රහසිගත මෙහෙයුම් වල තොරතුරු පවා එලියට ගොස් දැඩි ලෙස ජාතික ආරක්ෂාව අනතුරට පත් වනු ඇත. විදේශගත කාන්තාවක් වන සමන්තා පවර් මහත්මියද පැහැදිලිවම ලෝකය ඉදිරියේ සඳහන් කලේ ශ්‍රී ලංකාවේ දූෂණ, වංචා නිසා රට විනාශ වූ බවයි.
