දකුණු ආසියා කාන්තා පැසිපන්දු තරඟාවලියේ ශූරතාවය දිනා ගැනීමට ශ්‍රී ලංකාව සමත් විය.
ඒ මාලදිවයිනේ දී පැවති අවසන් තරඟයේ සත්කාරක මාලදිවයින පරාජයට ලක් කරමිනි.
දකුණු ආසියා කාන්තා පැසිපන්දු තරඟාවලිය මෙවර මාලේ දිවයිනේදී පැවැත්වුණේ 05 වන වරට වන අතර මෙවර දකුණු ආසියා කාන්තා පැසිපන්දු තරඟාවලිය සඳහා කණ්ඩායම් 06ක් ඉදිරිපත්ව ඇත.
එහිදී අවසන් මහා තරඟය සඳහා සුදුකම් ලබා ගන්නා ලද්දේ ශ්‍රී ලංකාව සහ සත්කාරක මාලදිවයින කණ්ඩායමයි.
ශ්‍රී ලංකා කණ්ඩායම පළමු අර්ධය නිමා වන විට ලකුණු 46ට 22 ක් ලෙස පෙරමුණ ගෙන සිටි අතර දෙවන අර්ධය නිමා වනවිට ලකුණු 72ට 59ක් ලෙස පෙරමුණ ගත් ශ්‍ර ීලංකාව පැසිපන්දු ක්‍රීඩිකාවන් මෙවර එහි ශූරතාවය දිනාගත්තාය.
ඒ අනුව දකුණු ආසියානු කාන්තා පැසිපන්දු තරඟාවලියේ ශූරතාවයය ශ්‍රී ලංකාව හිමිකරගන්නා ලද්දේ දෙවන වරටය.
