ශ්‍රී ලංකාව තුළ අසාධාරණය පරයා නැගෙන මොහොතක අසීමිත ලෙස බදු අය කිරීමේ ක්‍රියාදාමයට නම් කිසිසේත්ම එකග විය නොහැක.බදු අය කළත් එහි සාධාරණයක් නොමැතිවීම කනගාටුවට කරුණකි.මේ පිළිබඳව බරපතළ දූෂණ සහ වංචා වැළැක්වීමේ ජනාධිපති පරීක්ෂණ කමිටුවේ හිටපු ප්‍රධාන ලේකම් ලැසිල් ද සිල්වා මහතා ප්‍රවීණ මාධ්‍යවේදී චමුදිත සමරවික්‍රම මහතා සමග පැවති අන්තර්ජාල සාකච්ඡාවකදී මේ පිළිබඳව කරුණු අනාවරණය කරන ලදි.
ලැසිල්ද සිල්වා මහතා ප්‍රකාශ කර සිටින්නේ සැමට නීතිය සර්ව සාධාරණ විය යුතු බවට 12 (01) වගන්තියේ දක්වා ඇති බවත් රටේ ජනතාව යම් කිසි වරප්‍රසාද විදීද ඒ හා සමාන වරප්‍රසාද මන්ත්‍රීවරයෙකුට හිමි විය යුතු බවත්ය.
ඒ අනුව 2023 පෙබරවාරි 07 වෙනිදා දේශිය ආදායම් දෙපාර්තමේන්තුව මුදල් නොවන ප්‍රතිලාභ සම්බන්ධයෙන් කලින් නිකුත් කළ උපදෙස් පත්‍රිකාව සංශෝධනය කර ඉදිරිපත් කර ඇති අතර මෙමගින් පුද්ගලික අංශයේ කිසිදු සේවකයෙකුගේ වැටුප් දීමනාවලට අදාලව ගෙවිය යුතු මුදලේ කිසිදු වෙනසක් නොමැති බවත් ඒ අනුව ඔවුන් 100% ගෙවිය යුතු නමුත් මන්ත්‍රීවරුන් ගෙවිය යුත්තේ 25%ක බදු මුදලක් පමණක් බවත් පවසා සිටි.
එමෙන්ම ලංකාවේ විශාලතම ඉන්ධන ,වාහන ,දුරකථන දීමනාවන් වෙනුවෙන් තමන්ගේ තනතුර අයුතු ලෙස භාවිතා කරමින් මන්ත්‍රීවරුන් මෙන්ම සෘජු රජයේ සේවයේ ඉහළම ධූරාවලියේ ඉන්න අමාත්‍යාංශ ලේකම්, දෙපාර්තමේන්තු ලේකම්,ආයතන ප්‍රධානීන්ට මෙම වරප්‍රසාද හිමි වුවත් සෙසු පුද්ගලයින්ට කිසිදු වරප්‍රසාදයක් නොමැති බවත් පෙබරවාරි සංශෝධනය සිදු කර ඇත්තේ මන්ත්‍රීවරුන් ඉලක්ක කරගෙන 225ට සහනයක් ලබා දීමට පමණක් බවත් ප්‍රකාශ කර තිබේ.
එසේම පාර්ලිමේන්තු මන්ත්‍රීවරු ජනවාරි මාසයේ රජයට ගෙවපු බද්ධ රුපියල් 76000ක් විය යුතු නමුත් එය 25%ට ආවහම බද්ධ රුපියල් 17000ක් වන අතර එම 17000ක් අඩු කළ විට ලැබෙන මුදලද ආපසු ලබා දුන් බැවින් පාර්ලිමේන්තුවේ 225ට එක හැන්දකිනුත් මහජනතාවට තව හැන්දකිනුත් බෙදිය හැකිද? යන්න ප්‍රශ්න නගයි.
එසේම පාර්ලිමේන්තුව තමාගේ Tax සාදා ගත්තා මිසක අනෙක් පුද්ගලයින්ගේ Tax පිළිබඳව කිසිවෙකුට අවධාණයක් නොමැති වීම හේතුවෙන් විශාල ගැටලුවක් ඇති වී තිබෙන පසුබිමක පුද්ගලයන් අකමැත්තෙන් වුවද තම මව් රට හැර යාමට තීරණය කර ඇති බවට ප්‍රකාශ කර තිබේ.
තවද බදු මුදලක් වෙනුවෙන් සටන් කළද ඔවුන්ගේ රාජකාරි නිසි පරිදි සිදු කිරීමට නොහැකි වීම හේතුවෙන් ,
• සුදු ලූණු වංචාව
• සීනි බදු වංවාව
• පොල්තෙල් වංචාව
• එක්ස්ප්‍රස් පර්ල් වන්දිය සම්බන්ධයෙන් චාමර ගුණසේකර නැමැත්තෙකුගේ Account නම්බර් පවා ලියා ගෙන ඇති මුත් අත්අඩංගුවට ගෙන නොතිබීම.
• සරත් එන් සිල්වා අග්‍රවිනිශ්චයකාරවරයාව සිටිනා සමයේ බත්තරමුල්ලේ අක්කර 32ක් එක් පර්චස් එකක් රුපියල් 320 ගානේ ලබා දුන් බවත්
ආදී වශයෙන් කොතරම් ලියකියවිලි ප්‍රමාණයක් ඔවුන් සතු වුවත් කිසිම වැරදිකරුවෙකු අත්අඩංගුවට ගැනීමට නොහැකි වූ බවත් පවසා සිටී.
එසේම රටට මෙවන් තත්ත්වයක් උද්ගත වීම හේතු වශයෙන්,
°ඇමතිවරයෙකු නඩත්තු කිරීමට විශාල මුදලක් වැය වීම.
°ලංකාවේ ආනයනය වැඩියි අපනයනයට වඩා.
°රජයේ ආදායම රුපියල් 100ක් නම් වියදම රුපියල් 5000ක් බවත්
මෙම කරුණු සැලකිල්ලට ගනිමින් අද වන විට මෙවන් තත්ත්වයක් උද්ගත වී ඇති ඇත්තේ මෙම කෲර, චෞර ,දූෂිත පාලනය නිසා බවත් මෙලෙස කිසිසේත්ම ඉදිරියට යාමට හැකියාවක් නොමැති බවත්, කාර්‍යක්ෂම පාලන ක්‍රමයක් ඇති කිරීමට නම් පළාත් ආයතනවල ,Staff,මැති ඇමතිවරු සංඛ්‍යාව සීමා කළ යුතු බවත් ප්‍රකාශ කර සිටී.
එසේම ඡන්දෙ දිනන්න කටයුතු කරන පාලකයන් රැලක් නොව රට දිනවන්න පුලුවන් රාජ්‍ය තාන්ත්‍රිකයන් මෙම මොහොතේ අවැසි බවට පවසා තිබේ.
මේ පිළිබඳව වැඩිදුර තොරතුරු දැන ගැනීම සදහා පහත විඩියෝව නරඹන්න.
https://youtu.be/Nu6FMTO_ixs
