පුද පූජා පවත්වමින් කුඩා උඩුව හික්ගහ කන්ද ප්‍රදේශයේ ගල් තලාවක් පුපුරුවා හැර නිධන් සෙවූ කණ්ඩායමේ සැකකරුවන් පස් දෙනකු අත්අඩංගුවට ගත් බව මොරගහහේන පොලිසිය කියයි.
එම සැකකරුවන් පිරිස අතර සුදුවතින් සැරසී ස්ත්‍රෝත්‍ර ගායනා කළ කපුවා ද වන බව පොලිසිය කියයි.
සැකකරුවන් සමග ගල්තලාව පිරවීමට යොදාගත් සේවා නූල් ,යාතිකා කිරීමට යොදාගත් මල් පහන් පැල , සුවඳ කුඩු ,යකඩ ඉනි සවල් උදලු මෙන්ම මන්තර පොතක් ද පොලිස් බාරයට ගෙන ඇත.
එම ගල්තලාව අභ්‍යන්තරයෙහි වසර 300 කට පෙර නිධන් කරන ලද රන් සෙම්බුවක් ඇති බවට ඉඩමේ හිමිකරුට හීනෙන් පැවසීමේ කතාවක් මුල්කරගෙන පිරිස ගල පුපුරවා හැර එම රන් සෙම්බුව ගැනීමට උත්සාහ දරා තිබු බව පොලිසිය කියයි.
දීර්ඝ කාලයක සිට විශාල ගල් තලාව දිවා රාත්‍රී කාලයේ දී පුපුරුවා හැර තිබූ බව පොලිස් විමර්ශනවලදී අනාවරණය වී ඇත.
අත්අඩංගුවට ගත් සැකකරුවන් හොරණ සහ කොළඹ ප්‍රදේශය ප්‍රදේශයේ පදිංචිකරුවන් ය. සැකකරුවන් හොරණ මහේස්ත්‍රාත් අධිකරණය වෙත ඉදිරිපත් කිරීමට නියමිතය.
ලංකාදීප.
