ආණමඩුව, පරමාකන්ද මංසන්ධියේදී ලොරි රථ දෙකක් මුහුණට මුහුණ ගැටීමෙන් සිදුවූ බිහිසුණු අනතුරකින් දෙදෙනෙකු බරපතළ තුවාල ලබා රෝහල්ගතකර ඇති බව වාර්තා වේ .
වාර්තා වන ආකාරයට මෙම අනතුර සිදුව ඇත්තේ මාර්ගයේ නවතා තිබූ ලොරි රථයක් ඉස්සර කර යාමට උත්සාහ කළ ලොරියක් ප්‍රතිවිරුද්ධ දිශාවෙන් පැමිණි ලොරියක ගැටීමෙනි.
අනතුරින් පසුව ප්‍රදේශවාසීන් විසින් ලොරි රථවල බරපතළ තුවාල ලබා සිරවී සිටි රියදුරන් පිටතට ගෙන පුත්තලම මූලික රෝහලට ඇතුළත් කර තිබේ.
සිද්ධිය සම්බන්ධයෙන් වැඩි දුර විමර්ශන කටයුතු ආණමඩුව පොලීසිය විසින් සිදු කරනු ලබයි .
