ඊශ්‍රායල් – හමාස් යුද්ධයේ මානුෂීය සටන් විරාමයක් ඉල්ලා සිටීමේ යෝජනාවක් එක්සත් ජාතීන්ගේ ආරක්ෂක කවුන්සිලය විසින් සම්මත කර තිබේ.
වාර්තා වන ආකාරයට ගාසා තීරයේ සිවිල් වැසියන් වෙත අත්‍යවශ්‍ය ආධාර ලබාදීම වෙනුවෙන් මෙම සටන් විරාමය ඉල්ලා සිටින බව එක්සත් ජාතීන්ගේ ආරක්ෂක කවුන්සිලය නිවේදනය කර තිබේ.
එමෙන්ම දෙපාර්ශ්වය අතර පවතින ගැටුම්වලදී ජාත්‍යන්තර නීතිවලට අනුකූල වන ලෙසද ඔවුන් මෙම යෝජනාව හරහා ඉල්ලා තිබෙන අතර මෙම යෝජනාව වැඩි ඡන්ද 12 කින් සම්මතවී ඇති අතර අමෙරිකාව, බ්‍රිතාන්‍යය සහ රුසියාව ඡන්දය දීමෙන් වැළකී සිට ඇති බව විදෙස් වාර්තා වැඩිදුරටත් සඳහන් කර තිබේ.
