පාසල් නිවාසාන්තර ක්‍රීඩා උළෙලක් අතරතුර දෙපිරිසක් අතර ඇති වූ ගැටුමකින් පුද්ගලයින් පස් දෙනෙකු තුවාල ලබා තිබෙන බවට වාර්තා වේ.
කිලිනොච්චිය ශාන්තපුරම් කලෙයිමගල් ප්‍රදේශයේ පාසලක් තුළ ඊයේ(30) මෙම ගැටුම හටගෙන තිබූ අතර ගැටුමෙන් සිසුවියන් දෙදෙනෙකු ඇතුළු පස් දෙනෙකු තුවාල ලබා කිලිනොච්චිය රෝහලට ඇතුළත් කර තිබේ.
ලී සහ යකඩ පොලුවලින් පහරදීම සිදුව ඇති අතර මත ගැටුමක් දුර දිග යාමෙන් මෙම ගැටුම ඇති වී තිබේ.
සිද්ධිය සම්බන්ධයෙන් පුද්ගලයින් සිව් දෙනෙකු අත්අඩංගුවට ගෙන ඇති අතර අනිත් පිරිසද අත්අඩංගුවට ගන්නා ලෙස කිලිනොච්චි පොලිසියට බල කරමින් ප්‍රදේශවාසින් අද (31) විරෝධතාවයක නිරත වී තිබේ.