විදේශ රටක සැඟව සිටිමින් මෙරට මත්ද්‍රව්‍ය ජාලය මෙහෙයවන මත්ද්‍රව්‍ය ජාවාරම්කරුවකු සහ සංවිධානාත්මක අපරාධකරුවකු වන හඳපාන්ගොඩ හදයා නැමැති පුද්ගලයාගේ ප්‍රධාන ගෝලයා බව කියන සැකකරුවකු හෙරොයින් සහ මත්කුඩු සමග අත්අඩංගුවට ගත් බවට පොලිස් විශේෂ කාර්ය බළකාය පවසයි.
අතුරුගිරිය , කපුරුගොඩ පාර ප්‍රදේශයේදී සැකකරු අත්අඩංගුවට ගෙන ඇති අතර ඔහු හෙරොයින් ග්‍රෑම් 08 යි මිලි ග්‍රෑම් 390 ක් හා උල් පිහියක් සන්තකයේ තබාගෙන සිටි බව වාර්තා වේ.
සැකකරු හෝමාගම ප්‍රදේශයේ පදිංචි වයස අවුරුදු 43 ක පුද්ගලයකු බවත් මත්ද්‍රව්‍ය ජාවාරමෙන් උපයාගත් බව කියන මුදල් රුපියල් 10,000 ක් හා ජංගම දුරකථනයක් සමඟ අත්අඩංගුවට ගෙන තිබේ.