අයිස් මත්ද්‍රව්‍ය කිලෝවක ප්‍රමාණයක් පෑලියගොඩ පොලිස් වසමේ වනවාසල ප්‍රදේශයේ දී බස්නාහිර පළාත උතුර අපරාධ කොට්ඨාසය විසින් සොයාගෙන ඇති බව වාර්තා වේ.
පොලීසිය සඳහන් කළේ, ඊයේ (15) දහවල් සිදුකළ වැටලීමක් අතරතුර එම මත්ද්‍රව්‍ය සොයා ගෙන ඇති බවයි.
එහිදී අයිස් මත්ද්‍රව්‍ය කිලෝ 1යි ග්‍රෑම් 6ක ප්‍රමාණයක් සන්තකයේ තබාගෙන යතුරුපැදියකින් යමින් සිටි පුද්ගලයෙක් අත්අඩංගුවට ගෙන ඇති බව සදහන්.
එලෙස අත්අඩංගුවට පත්ව ඇත්තේ අවුරුදු 23ක දිප්පිටිගොඩ, කැලණිය ප්‍රදේශයේ පදිංචිකරුවෙකි.
සැකකරු අද (16) දින අලුත්කඩේ අංක 5 මහෙස්ත්‍රාත් අධිකරණය වෙත ඉදිරිපත් කිරීමට නියමිත බව සදහන්.
මේ පිළිබඳ බස්නාහිර පළාත උතුර අපරාධ කොට්ඨාසය වැඩිදුර විමර්ශන සිදුකරනු ලබයි.