ගාල්ල – කොළඹ ප්‍රධාන මාර්ගයේ අම්බලන්ගොඩ පොලීසිය අසලදී මාරක රිය අනතුරක් සිදුව ඇති බව වාර්තා වේ.
කුඩා ලොරි රථයක් අනතුරට ලක්වීමෙන් එක් පුද්ගලයෙකු මියගොස් තවත් 4 දෙනෙකු තුවාල ලබා ඇති බව සදහන්.
තුවාලකරුවන් බලපිටිය මූලික රෝහලට ඇතුළත් කළ බවට අම්බලන්ගොඩ පොලීසිය පවසයි.
මොරටුව ප්‍රදේශයේ ගොඩනැගිල්ලක ඉදිකිරීමක් සඳහා පැමිණ බද්දේගම බලා ආපසු යමින් සිටි පිරිසක් මෙලෙස අනතුරට ලක්වී ඇත.
රියදුරුට නින්දයාම නිසා මාර්ගයෙන් ඉවතට පැන ඇති රථය කොංක්‍රීට් කණුවල ගැටීමෙන් පෙරළීගොස් තිබේ.
ලොරි රථයේ පිටුපස ගමන්ගත් පිරිස අතර සිටි පුද්ගලයකු රථයේ තිබූ කොංක්‍රීට් මැෂිමට යටවී බරපතළ තුවාල ලබා බලපිටිය මුලික රෝහලට ඇතුළත් කිරීමෙන් පසු ඔහු මියගොස් ඇති බවට පොලීසිය පවසයි.
සිද්ධිය සම්බන්ධයෙන් වැඩිදුර විමර්ශන ක්‍රියාත්මක බව සදහන්.