2022 අ.පො.ස.උසස් පෙළ විභාගයේ පිළිතුරු පත්‍ර ඇගයීම හා සම්බන්ධ පාලක පරීක්ෂකවරුන්ගේ රැස්වීමක් අද (24) දින විභාග දෙපාර්තමේන්තුවේදී පැවැත්වීමට නියමිත අතර මෙහිදී විෂයන් 10 කට අදාළ පිළිතුරු පත්‍ර ඇගයීමේ මූලික අදියර කඩිනමින් ආරම්භ කිරීම සම්බන්ධයෙන් සාකච්ඡා කිරීමට නියමිත බව වාර්තා වේ.
එමෙන්ම මෙම විෂයන් 10 ට අමතරව සෙසු විෂයන් වල පිළිතුරු පත්‍ර ඇගයීමේ කටයුතු මේ සතිය තුළ දී ආරම්භ කිරීමට අවශ්‍ය පියවර ගන්නා බවත් , පිළිතුරු පත්‍ර ඇගයීම සම්බධයෙන් ගන්නා ඉදිරි ක්‍රියාමාර්ග පිළිබඳව සාකච්ඡා කිරීමට විධායක සභා රැස්වීමක් හෙට පැවැත්වීමට නියමිත බවත් සඳහන්.