හෙරොයින් බවට සැකකෙරෙන මත්ද්‍රව්‍ය විශාල තොගයක් රැගත් මෙරට බහුදින ධීවර යාත්‍රාවක් ගැඹුරු මුහුදේදී නාවික හමුදාව විසින් අත්අඩංගුවට ගෙන තිබෙන බව වාර්තා වේ .
රාජ්‍ය බුද්ධි සේවාව මගින් ලද බුද්ධි තොරතුරකට අනුව සිදුකළ මෙහෙයුමකදී මෙම යාත්‍රාව නාවික හමුදාව විසින් සිය භාරයට ගෙන ඇති අතර නාවික හමුදාව නිවේදනයක් නිකුත් කරමින් වැඩිදුරටත් ප්‍රකාශ කර ඇත්තේ එම බහුදින ධීවර යාත්‍රාව සහ සැකකරුවන් ඉදිරි විමර්ශන කටයුතු සඳහා මේ වනවිට කොළඹ වරාය වෙත රැගෙන එමින් පවතින බවයි.