මහියංගනය, 18 කොලනිය ප්‍රදේශයේ නිවසක් තුළ කාන්තාවක් සැකකටයුතු ලෙස මියගොස් ඇති බවට ඊයේ (14) සවස් කාලයේදී මහියංගනය පොලිසිය වෙත තොරතුරු ලැබී තිබේ.
මෙලෙස ජීවිතක්ෂයට පත්ව ඇත්තේ වයස අවුරුදු 48ක් වන 18 කොලනිය, මහියංගනය ප්‍රදේශයේ පදිංචිකාරියකි.
මියගිය කාන්තාවගේ හිසේ ලේ ගලන තුවාල කිහිපයක් තිබෙන බවට නිරීක්ෂණය වී ඇති බවත් , මෙම මරණය ඝාතනයක්ද වෙනත් සිදුවීමක්ද යන්න සම්බන්ධයෙන් මහියංගනය පොලීසිය වැඩිදුර විමර්ශන සිදු කරන බවත් වාර්තා වේ .