වෙන්නප්පුව පේරගස්හන්දිය ප්‍රදේශයේ වැටලීමක් අතරතුර පොලිසිය එල්ල කල වෙඩි ප්‍රහාරයකින් සැකකරුවෙකු ජීවිතක්ෂයට පත්ව ඇති බවට වාර්තා වේ.
මෙලෙස ජීවිතක්ෂයට පත්ව ඇත්තේ වෙන්නප්පුව ප්‍රදේශයේ පදිංචි 52 හැවිරිදි වියේ පසුවූ සැකකරුවෙකි.
පොලිසියට අවශ්‍ය කර සිටි සැකකරුවන් දෙදෙනෙකු පසුපස වෙන්නප්පුව පොලීසිය ඊයේ(29) පස්වරුවේ ලුහුබැඳ ඇති අතර ඉන් එක් සැකකරුවෙකු කඩුවකින් පහරදී ඇත.
එම අවස්ථාවේ පොලිසිය විසින් සිදු කළ වෙඩි තැබීමකින් සැකකරු තුවාල ලබා තිබේ.
පොලිසිය පවසන්නේ තුවාල ලැබූ සැකකරු මාරවිල රෝහලට ඇතුළත් කිරීමෙන් පසු ජීවිතක්ෂයට පත්ව ඇති බවයි.
ඔහු සමග සිටි අනෙක් සැකකරු පොලිසිය විසින් අත්අඩංගුවට ගෙන ඇති අතර මාරවිල පොලිසිය සිද්ධිය සම්බන්ධයෙන් වැඩිදුර විමර්ශණ සිදු කරනු ලබයි.