වී අලෙවි මණ්ඩලය යළි  වී මිලදී ගන්න සැලසුමක්.

වී අලෙවි මණ්ඩලය විසින් යළි වී මිලදී ගැනීමට රජය තීරණය කර ඇති බව වාර්තා වේ.

ඒ අනුව මිල කමිටුවේ තීරණය මත නාඩු වී කිලෝ ග්‍රෑම් එකක් රුපියල් 95.00 ක් සහ කීරි සම්බා වී කිලෝ ග්‍රෑම් එකක් රුපියල් 110.00 ක් බැඟින් මිලදී ගැනීමට පියවර ගන්නා බවත් , වී මිලදී ගැනීම සඳහා රජයෙන් ලැබෙන මුදලට සරිලන පරිදි වී මිලදී ගැනීම් කටයුතු කරන බවත් කෘෂිකර්ම අමාත්‍ය මහින්ද අමරවීර මහතා අද (11) කෘෂිකර්ම අමාත්‍යාංශයේ පැවති සාකච්ඡාවකදී ප්‍රකාශ කළ බව වාර්තා වේ.