23 හැවිරිදි ජනප්‍රිය රංගන ශිල්පිනියකට පිළියන්දල ජාලියගොඩ ප්‍රදේශයේ දී ත්‍රීරෝද රථ රියැදුරෙකු ලිංගික අතවරයක් සිදුකොට පලා ගොස් ඇති බව වාර්තා වේ.
පිළියන්දල පොලීසිය පැවසුවේ රංගන ශිල්පිනිය පෞද්ගලික අවශ්‍යතාවයක් සඳහා මොරටුව කටුබැද්ද ප්‍රදේශයේ සිට නුගේගොඩ දක්වා කුලී ගමනක් යාමට කුලී ගමන් පහසුකම් සපයන සමාගමක ත්‍රිරෝද රථයක් ඇණවුම් කර, එහි ගමන් කරමින් සිටියදී එකවරම ජාලියගොඩ ප්‍රදේශයේදී මාර්ගය අසල ත්‍රීරෝද රථය නවතා කාර්මික දෝෂයක් පරීක්ෂා කරන මුවාවෙන් ත්‍රිරෝද රථයෙන් බැස පිටුපස අසුනේ සිටි රංගන ශිල්පිනිය අසලට විත් ඇයට බලහත්කාරකම් කර ඇති බවයි.
එම අවස්ථාවේ රංගන ශිල්පිනිය ත්‍රිරෝද රථ රියැදුරු තල්ලුකොට රථයෙන් එළියට පැන කෑගසා ප්‍රදේශවාසීන්ට පවසනවාත් සමග රියදුරු රංගන ශිල්පිනිය මහමග අතහැර දමා පලා ගොස් ඇත.
අනතුරුව ත්‍රිරෝද රථය කොළඹ – හොරණ මාර්ගය ඔස්සේ බොරලැස්ගමුව දෙසට පලාගොස් ඇති බවට පොලීසිය වැඩිදුරටත් පවසා තිබේ.