මෙරට වී අස්වැන්න ඉහළ නැංවීමට නම් රසායනික පොහොර හා කාබනික පොහොර යෙදීම සම්බන්ධයෙන් කෘෂිකර්ම දෙපාර්තමේන්තුවේ ලබාදුන් පොහොර නිර්දේශය අඛණ්ඩව ක්‍රියාත්මක කරන්නැයි යුද්ධ හමුදාවේ හරිත කෘෂිකර්ම ක්‍රියාන්විත මධ්‍යස්ථානය අමාත්‍යාංයෙන් ඉල්ලීමක් කර ඇත.
2021 මහ කන්නයේ දී මෙරට හෙක්ටයාර් එකකට ලබන අස්වැන්න මෙට්‍රික් ටොන් දෙකක් දක්වා පහල ගිය ද, 2022 මහ කන්නයේ දී හෙක්ටයාර් එකකට ලබන අස්වැන්න මෙට්‍රික් ටොන් 3.2ක් දක්වා ඉහල ගොස් ඇතැයි ශ්‍රී ලංකා යුද්ධ හමුදාව යටතේ ක්‍රියාත්මක කර තිබෙන හරිත කෘෂිකර්ම ක්‍රියාන්විත මධ්‍යස්ථානය සඳහන් කළේය.
2023 මහ කන්නයේ දී හෙක්ටයාර් එකකට ලබන අස්වැන්න මෙට්‍රික් ටොන් 05ක් දක්වා ඉහළ නැංවීම අරමුණ බව පැවසූ කෘෂිකර්ම අමාත්‍ය මහින්ද අමරවීර මහතා එම ඉලක්කය ජය ගැනීම සදහා යුද්ධ හමුදාවේ හරිත කෘෂිකර්ම ක්‍රියාන්විත මධ්‍යස්ථානයේ සහයෝගය ලබා දෙන ලෙස ඉල්ලීමක් කළේය.
ලංකාදීප