ජ්‍යෙෂ්ඨ රංගන ශිල්පිනියක් දිවි රඟමඩලෙන් සමුගනී.

ජ්‍යෙෂ්ඨ රංගන ශිල්පිනියක වූ උදුලා දාබරේ මෙනවිය ජීවිතක්ෂයට පත්ව ඇති බව වාර්තා වේ.

ඇය මිය යන විට 87 වන වියෙහි පසුවූවාය.

“කැළෑ හඳ” චිත්‍රපටයේ සුළු චරිතයකින් සිංහල සිනමාවට පිවිසි උදුලා දාබරේ මෙනෙවිය කරුණාරත්න අබේසේකරයන්ගේ “ළමා පිටියේ” විවිධ වැඩසටහන්වලට සහභාගී වීමෙන් අනතුරුව 1954- වරදකාගේ ද, රදළ පිළිරුව යන චිත්‍රපට වල විවිධ චරිතවලට පෙනී සිටිමින් අතිශය ජනප්‍රියත්වයට පත් වූ බව සදහන්..

1956-සිනමාස්ගේ දොස්තර ,දුප්පතාගේ දුක 1958-දස්කම,1959-ගැහැණු ගැට,1960-නළඟන,පිරිමියෙක් නිසා,1961-සුවිනීත ලාලනී,දරුවා කාගේ ද ,1964- සුළලිත ශෝභිනී, සුභ සරණ සැප සිතේ,1965-සැකය,1966-සීගිරි කාශ්‍යප ,කපටිකම,1967-මනමාලයෝ සරණ,1968-අක්කා නගෝ,1969- සූරයන්ගෙත් සූරයා,1970-දැන් මතක ද ආදී චිත්‍රපට වල රඟපෑමෙන් සිය දක්ෂතා පැහැදිලි කළාය.

අනතුරුව ජාතික ලොතරැයි මණ්ඩලයේ පිළිගැනීම් හා මහජන සම්බන්ධතා නිලධාරිනී ලෙස සේවය කළ ඇය වසර හතක දිගු නිහැඬියාවකින් පසු 1977-හිතුවක්කරයෝ,1978-සැලී යන චිත්‍රපට වල ද 1983- චණඩි සිරියා චිත්‍රපටයෙන් වසර 21 කට පසු 2004-රන් දිය දහර,2008-රෝස කැළේ, හා අවසන් වරට 2018 උදයකාන්ත වර්ණසූරියගේ මධුර චාරිකා චිත්‍රපටයට සිය රංගන දායකත්වය දැක්වූ බව වාර්තා වේ.