පෙබරවාරි 17 වනදායින් අවසන් වූ අ.පො.ස. උසස් පෙළ විභාගයේ සංගීතය , ගෘහ ආර්ථික විද්‍යාව , නාට්‍ය හා රංග කලාව යන විෂයන්හි ප්‍රායෝගික පරීක්ෂණ මෙම මස 28 වනදා සිට අප්‍රේල් 6 වනදා දක්වා පැවැත්වීමට විභාග දෙපාර්තමේන්තුව සැලසුම් කර ඇති බව වාර්තා වේ.
එමෙන්ම ප්‍රායෝගික පරීක්ෂණවලට අදාළ ප්‍රවේශ පත්‍ර විදුහල්පතිවරුන් වෙත හා පෞද්ගලික අයදුම්කරුවන් වෙත යවා ඇති බව සදහන් කරයි.
ප්‍රායෝගික පරීක්ෂණ සම්බන්ධයෙන් යම් කිසි විමසීමක් කිරීමට අවශ්‍ය නම් 0112784534 , 0112784208 හෝ 1911 යන දුරකථන අංක සදහා ඇමතුම් ලබා ගන්නා ලෙස විභාග දෙපාර්තමේන්තුව වැඩි දුරටත් සදහන් කරන ලදී.