මාතර බන්ධනාගාරයේ සැකකරුවෙක් ජීවිතක්ෂයට .

උණ රෝගි තත්ත්වයක් හේතුවෙන් මාතර මහරෝහලේ දැඩි සත්කාර ඒකකයේ ප්‍රතිකාර ලබමින් සිටි මාතර බන්ධනාගාරයේ රඳවා සිටි සැකකරුවෙකු මියගොස් ඇති බව වාර්තා වේ .

බන්ධනාගාර කොමසාරිස් මාධ්‍ය ප්‍රකාශක ගාමිණි බී.දිසානායක මහතා පැවසුවේ ඊයේ (22) මෙම රැඳවියා මියගොස් ඇති බවත් , මියගිය රැඳවියා මිනිමැරුම් චෝදනාවක් මත සැකපිට 2023.08.30 දින බන්ධනාගාරගත වූ අයෙක් බවත් ය.

උණ රෝගය වැළඳුන තවත් සැකකරුවන් 08 දෙනෙකු රෝහල්ගතව ප්‍රතිකාර ලබන බව බන්ධනාගාර කොමසාරිස් මාධ්‍ය ප්‍රකාශක ගාමිණි බී.දිසානායක මහතා වැඩිදුරටත් සඳහන් කරන ලදී .