අබුඩාබි ටී-10 ලීග් ක්‍රිකට් තරගාවලිය අද (28) සිට ආරම්භවීමට නියමිතව තිබෙන බව වාර්තා වේ .
එම තරගාවලිය දෙසැම්බර් මස 09 වැනිදා දක්වා පැවැත්වෙන අතර අද (28) දිනයේ තරග දෙකක් පැවැත්වේ.
ඒ අනුව ඩෙකෑන් ග්ලැඩියේටර්ස් – නිව් යෝර්ක් ස්ට්‍රයිකර්ස් තරගය රාත්‍රී 7.30ට ආරම්භවීමට නියමිතව තිබේ .
එමෙන්ම රාත්‍රී 10ට නෝදර්න් වොරියර්ස් සහ සෑම්ප් ආමි කණ්ඩායම අතර තරගය ආරම්භවීමට නියමිතව තිබේ.
කණ්ඩායම් 8ක සහභාගිත්වයෙන් පැවැත්වෙන මෙවර තරගාවලියට තරග 32ක් ඇතුළත් වන අතර මෙවර අබුඩාබි ටී-10 තරගාවලියට ක්‍රීඩාකරන ශ්‍රී ලාංකික ක්‍රීඩකයින් සංඛ්‍යාව 10කි.
ඩිල්ෂාන් මධුසංඛ (ටීම් අබුඩාබි)
මතීෂ පතිරණ (බංග්ලා ටයිගර්ස්)
මහීෂ් තීක්ෂණ (සෑම්ප් ආමි)
දුනිත් වෙල්ලාලගේ (දිල්ලි බුල්ස්)
ඇන්ජලෝ මැතිව්ස් (නෝදර්න් වොරියර්ස්)
නුවන් තුෂාර (ඩෙකෑන් ග්ලැඩියේටර්ස්)
ලසිත් කෲස්පුල්ලේ (නිව් යෝර්ක් ස්ට්‍රයිකර්ස්)
නිරෝෂන් දික්වැල්ල (නිව් යෝර්ක් ස්ට්‍රයිකර්ස්)
චාමික කරුණාරත්න (නිව් යෝර්ක් ස්ට්‍රයිකර්ස්)
කුසල් පෙරේරා (නිව් යෝර්ක් ස්ට්‍රයිකර්ස්)
