ගොඩකවෙල කුලරත්න මධ්‍ය මහා විද්‍යාලය අසල දී බවුසර් රථයක් සහ මෝටර් රථයක් මීට සුළු මොහොතකට පෙර ගැටී අනතුරක් සිදුව තිබේ.
අප රාවණා ලංකා මාධ්‍ය වාර්තාකරු සඳහන් කරන ආකාරයට බවුසර් රථයේ රියදුරු මහතාට නින්ද යාම හේතුවෙන් මෙම අනතුර සිදුව තිබේ.
මෙලෙස අනතුරට ලක්ව ඇත්තේ ඇඹිලිපිටිය දෙස සිට රත්නපුර දෙසට ගමන් කළ බවුසර් රථයක් සහ ඊට ප්‍රතිවිරුද්ධ දෙසින් පැමිණි මෝටර් රථයකි.
අප මාධ්‍ය වාර්තාකරු පවසන්නේ මෝටර් රථය රත්නපුර දෙස සිට පැමිණ රක්වාන මාර්ගයට හැරවීමේ දී මෙම අනතුර සිදුව ඇති බවත් , අදාළ මෝටර් රථයේ සිට ඇත්තේ රක්වාන කෝවිලක පූජකවරයෙකු බවත් ය.
අනතුරින් කිසිවෙකුටත් හානි වී නොමැති බව සඳහන්.
සිද්ධිය සම්බන්ධයෙන් වැඩි දුර විමර්ශන කටයුතු ගොඩකවෙල පොලීසිය විසින් සිදු කරනු ලබයි.
