අමෙරිකා එක්සත් ජනපදයේ විද්‍යාභිවර්ධන සංගමය විසින් විද්‍යාත්මක නිදහස සහ වගකීම වෙනුවෙන් පිරිනමන සම්මානය මහාචාර්ය චන්න ජයසුමන මහතාට හිමිව ඇති බව වාර්තා වේ.
ඒ මහතාට මෙම සම්මානය ලබා දී ඇත්තේ 2019 වසර වෙනුවෙනි.
විවිධ පාර්ශ්ව වලින් එල්ල වූ අභියෝග හමුවේ කෘෂිකාර්මික ප්‍රජාවගේ වකුගඩු රෝගය පිළිබඳ සිදුකළ පර්යේෂණ හේතුවෙන් ලොව පුරා මිලියන ගණනක් ජනතාවගේ සෞඛ්‍ය තත්ත්වය ඉහළ නැංවීමට සිදුකළ දායකත්වය මත මෙම සම්මානය ඔහුට පිරිනමා තිබේ.
මෙම සම්මානය ඔහුට හිමි වූ බවට පළමු වරට ප්‍රකාශයට පත්කළ අවස්ථාවේදී කෘෂි රසායන සමාගම් ඇතුළු විවිධ පාර්ශව ඊට විරෝධය දක්වා තිබූ බව වාර්තා විය.
ඒ අනුව සම්මානය ලබාදීම යළි සලකා බැලීමට විශේෂ ජූරි සභාවකට යොමු කර ඇති අතර එම ජූරි සභාව ද තීරණය කර ඇත්තේ මෙම සම්මානය ඔහුට ලැබිය යුතු බවටයි.
ඔහුගේ මෙම පර්යේෂණ සිදුකිරීම සඳහා කැලිෆෝනියා රාජ්‍ය විශ්වවිද්‍යාලයේ මහාචාර්ය සරත් ගුණතිලක මහතා ද සහාය වී තිබුණි.
කොවිඩ් වසංගත තත්ත්වය හේතුවෙන් සම්මානය ලබාදීම ප්‍රමාද වී තිබේ.
අමෙරිකානු විද්‍යාභිවර්ධන සංගමයේ වාර්ෂික සමුළුවේදී එහි අධ්‍යක්ෂ තෙරේසා හැරිස් මහත්මිය විසින් මෙම සම්මානය මහාචාර්ය ජයසුමන මහතාට පිරිනමා තිබේ.