වාර්ෂිකව පැවැත්වෙන අබුඩාබි පන්දුවාර 10 ක්‍රිකට් තරගාවලියේ කණ්ඩායම් දෙකක නායකත්වයන් ශ්‍රී ලාංකීය ක්‍රීඩකයින් වන ඇන්ජෙලෝ මැතිව්ස්ට සහ චරිත් අසලංකට හිමිව ඇති බව වාර්තා වේ .
ඒ අනුව ඉම්රාන් තහීර්, සිකන්දර් රාසා, භානුක රාජපක්ෂ වැනි ක්‍රීඩකයින්ගෙන් සමන්විත ‘චෙන්නායි බ්‍රේව්’ කණ්ඩායමේ නායකත්වය චරිත් අසලංකටත්, කොලින් මුන්‍රෝ, ටබ්‍රේස් ශම්සි, ජේම්ස් නීශම් වැනි ක්‍රීඩකයින්ගෙන් සපිරි ‘නෝර්දර්න් වොරියර්ස්’ නායකත්වය ඇන්ජෙලෝ මැතිව්ස්ටත් හිමිව තිබේ .
මෙවර තරගාවලිය සඳහා චරිත් අසලංක, ඇන්ජෙලෝ මැතිව්ස්, අවිශ්ක ප්‍රනාන්දු, කුසල් මෙන්ඩිස්, දසුන් ශානක, භානුක රාජපක්ෂ, නුවන් තුෂාර, දුනිත් වෙල්ලාලගේ, ලසිත් කෲස්පුල්ලේ, නිරෝශන් දික්වැල්ල, කුසල් පෙරේරා, චාමික කරුණාරත්න සහ බිනුර ප්‍රනාන්දු ඇතුළු ශ්‍රී ලාංකික ක්‍රීඩකයින් 13ක් තේරී පත් වී ඇති අතර කණ්ඩායම් 6ක් තරග වදින අබුඩාබි පන්දුවාර 10 තරගාවලියේ පළමු වටය ඊයේ (28 ) ආරම්භ විය.
මූලික වටය දෙසැම්බර් මස 7 වැනිදා දක්වාත් අවසාන තරගය දෙසැම්බර් මස 9 වැනිදාත් පැවැත්වෙන බව වාර්තා වේ .