බඩල්කුඹුර, කිරමනාගොඩ ප්‍රදේශයේදී තියුණු ආයුධයකින් පහරදී පුද්ගලයෙකු ඝාතනය කර ඇති බව වාර්තා වේ.
ඊයේ (07) සවස් කාලයේදී එම ඝාතනය සිදුකර ඇති බවට පොලීසිය පවසයි.
මියගොස් ඇත්තේ, කරවිල, බඩල්කුඹුර ප්‍රදේශයේ පදිංචි 27 හැවිරිදි ත්‍රිරෝද රථ රියදුරෙකි.
මරණකරු සැකකරු සමග ආරවුලක් ඇති කරගෙන තිබීම හේතුවෙන් ඒ සම්බන්ධයෙන් සොයා බැලීමට සැකකරුගේ නැන්දනිය සමග ඇයගේ දියණිය පදිංචිව සිටි බඩල්කුඹුර, කිරමනාගොඩ ප්‍රදේශයට යමින් සිට ඇත.
එහිදී මාර්ගයේ වෙළෙඳසැලක් අසලදී සැකකරු හමුවී ඇති අතර එම අවස්ථාවේදී ත්‍රිරෝද රථයේ රියදුරු විසින් ඒ පිළිබඳ සැකකරුගෙන් විමසීමේදී ඔහු විසින් එක්වරම ත්‍රීරෝද රථ රියදුරුට තියුණු ආයුධයකින් පහරදී තිබේ.
තුවාලකරු බඩල්කුඹුර රෝහලට ඇතුළත් කිරීමේදී මියගොස් ඇති බවට විමර්ශනවලදී අනාවරණය වී ඇත.
21 හැවිරිදි සැකකරු ප්‍රදේශයෙන් පළාගොස් ඇති අතර ඔහු අත්අඩංගුවට ගැනීම සඳහා බඩල්කුඹුර පොලීසිය වැඩිදුර විමර්ශන සිදුකරනු ලබයි.