අහුංගල්ල, එගොඩමුල්ල ප්‍රදේශයේ නිවසක තනිව පදිංචිව සිටි කාන්තාවක් සැකකටයුතු ලෙස මියගොස් ඇති බව වාර්තා වේ.
මිය ගිය කාන්තාව දින ගණනාවක සිට නොදුටු බවත් ඇය පදිංචිව සිටි නිවස දෙසින් දුඟදක් හමන බවත් පවසමින් කරන ලද පැමිණිල්ලක් මත අහුංගල්ල පොලීසිය විමර්ශනයක් ආරම්භ කර තිබිණි.
ඒ අනුව, ඊයේ (19) පොලීසිය විසින් සිදුකරන ලද වැඩිදුර විමර්ශනයේදී, එම නිවසේ පදිංචි කාන්තාව නිවස තුළ පුටුවක් මත මියගොස් සිට ඇති බව සදහන්.
සිරුර දැඩි ලෙස දියවී ගොස් ඇති බවට නිරීක්ෂණය වී තිබේ.
මරණකාරිය එගොඩමුල්ල, අහුංගල්ල ප්‍රදේශයේ පදිංචි 65 හැවිරිදි කාන්තාවකි.
මෘත ශරීරය සම්බන්ධයෙන් මහෙස්ත්‍රාත් පරීක්ෂණය සිදුකිරීමෙන් අනතුරුව බලපිටිය රෝහලේ මෘත ශරීරාගාරයේ තැන්පත් කර ඇති බව සදහන්.
සිද්ධිය සම්බන්ධයෙන් අහුංගල්ල පොලීසිය වැඩිදුර විමර්ශන සිදුකරනු ලබයි.