කුකුළු මස් කෑල්ලක් අස්සේ අයිස් මත්ද්‍රව්‍ය සගවාගෙන කළුතර බන්ධනාගාරයේ රැදවියෙකු බැලීමට පැමිණි පුද්ගලයෙකු අත්අඩංගුවට ගෙන ඇති බව වාර්තා වේ.
මෙසේ අත්අඩංගුවට ගෙන ඇත්තේ ගෝනපල, බටුවිට ප්‍රදේශයේ පදිංචි 45 හැව්රිදි පුද්ගලයෙකි.
මත්කුඩු සම්බන්ධයෙන් චෝදනා ලැබ කළුතර මල්වත්ත බන්ධනාගාරයේ රදවා සිටින සැකකරුවන් තිදෙනෙකු බැලිම සදහා සැකකරු ඊයේ දහවල් පැමිණ ඇති බවට පොලීසිය පවසයි.
සැකකරු බත් සහ ව්‍යංජන වෙන් වෙන් වශයෙන් ප්ලාස්ටික් භාජනවල රැගෙනවිත් ඇති බවත්, බන්ධනාගාර නියාමකවරයෙක් මෙම ආහාර ද්‍රව්‍ය පරීක්ෂා කිරීමේදී කුකුළු මස් කෑල්ලක් අස්සේ කුඩා පොලිතින් කවරයක බහා තිබූ අයිස් මත්ද්‍රව්‍ය පැකට්ටුවක් සොයාගෙන තිබේ.