බොරතෙල් මිල පහළට .

පසුගිය සතිය පුරා ඇමරිකානු ඩොලර් 90 ඉක්මවා තිබූ ලෝක වෙළෙඳපොළෙහි බොරතෙල් මිල ඊයේ (26) දිනයේ යළි ඩොලර් 3 කට ආසන්න අගයකින් පහත වැටී ඇති බව වාර්තා වේ.

බ්‍රෙන්ට් වර්ගයේ බොරතෙල් බැරලයක මිල සටහන් වූයේ ඩොලර් 87 ක් ලෙසයි.

එමෙන්ම ඇමරිකානු ඩබ්ලිව් ටී අයි බොරතෙල් බැරලයක් ඩොලර් 82.90 ක් ලෙස සටහන් වි තිබේ.

කෙසේ වෙතත්, ගාසා තීරයේ යුද උණුසුම සහ චීනයේ කර්මාන්ත යලි වේගයෙන් වර්ධනය වීම හේතුවෙන් පසුගියදා ලෝක බොරතෙල් මිලෙහි වැඩි වීමක් පෙන්නුම් කර තිබේ.