පළමු රන්දෝලි පෙරහැර අද.

මහනුවර ඇසළ මහා මංගල්‍යයේ පළමු රන්දෝලි පෙරහැර අද (26) රාත්‍රියේ වීථි සංචාරය කිරීමට නියමිත ව තිබෙන බව වාර්තා වේ.

ඒ අනුව පළමු රන්දෝලි පෙරහැර අද (26) රාත්‍රී 07.26ට ආරම්භ වීමට නියමිතව තිබේ.

රන්දෝලි පෙරහැර දළදා වීථිය, ඩී.එස්.සේනානායක වීථීය, පන්සල පාර ඔස්සේ ඉහළට පැමිණ දේව වීථිය, කොළඹ වීථිය ඔස්සේ ගමන් කර ඊ.එල්.සේනානායක වීථියට පිවිස ඒ හරහා හරස් වීථිය ඔස්සේ ගමන් කිරීමෙන් අනතුරුව නැවත ඩී.එස්.සේනානායක වීථීයට පිවිස රජ වීථියට හැරී ඉහළට ඇවිත් ගෙවැදීමට නියමිත බව ද සඳහන් වේ.