බීමතින් මෝටර් රථයක් පදවා කැලණිය තොරණ හන්දිය ප්‍රදේශයේදී යතුරුපැදි දෙකක් හප්පා පලා ගිය රියැදුරු ඇතුළු 4 දෙනකු වත්තල හේකිත්ත ප්‍රදේශයේදී අත්අඩංගුවට ගත් බවට පෑලියගොඩ මූලස්ථාන පොලීසිය පවසා ඇති බව වාර්තා වේ.
රියැදුරු ඇතුළු මිතුරන් සිවු දෙනා මංගල උත්සවයකට සහභාගිවී බීමතින් නිවෙස බලා ගමන් කර ඇති අතර කොළඹ – නුවරපාරේ තොරණ හන්දිය ප්‍රදේශයේදී යතුරු පැදි දෙකක් හප්පා පලා ගොස් තිබූ බවට පොලීසිය පවසයි.
පසුව පලා ගිය මෝටර් රථය වත්තල හේකිත්ත ප්‍රදේශයේදී පොලිසිය අත්අඩංගුවට ගත් අවස්ථාවේදී රියැදුරු ඇතුළු මෝටර් රථයේ සිටි සිවු දෙනාම බීමතින් සිටි බවට පොලීසිය පවසයි.
එම අනතුරින් යතුරුපැදියක ගමන් කළ කාන්තාවක තුවාල ලබා රාගම රෝහලට ඇතුළත් කර ඇති බව සදහන්.