රුසියානු ජාතිකයෙකු විසින් පවත්වාගෙන ගිය ගංජා වගාවක් සොයා ගැනීමට හබරාදුව පොලීසිය සමත් වූ බව වාර්තා වේ.
රුසියානු ජාතිකයෙකුට පහර දී මුදල් බලෙන් ලබා ගැනීමක් සම්බන්ධයෙන් අත්අඩංගුවට ගත් රුසියානු ජාතිකයෙකු සම්බන්ධව විමර්ශන සිදු කිරීමේ දී මෙම ගංජා වගාව සොයා ගෙන තිබේ .
පොලීසිය පවසන්නේ අත්අඩංගුවට ගත් රුසියානු ජාතිකයා නවාතැන්ගෙන සිටි කදුරුදූව ප්‍රදේශයේ නවාතැන්පළක රහසිගතව මෙම ගංජා වගාව සිදුකරගෙන ගොස් ඇති බවයි.
එහි තිබූ ගංජා පැළ 591 ක් පොලිස් භාරයට ගෙන ඇති අතර එම ගංජා පැළ සමග රුසියානු ජාතිකයා අධිකරණයට ඉදිරිපත් කිරීමට නියමිතව ඇති බව සඳහන්.