ගාල්ල කරාපිටිය ප්‍රදේශයේ පදිංචි වෛද්‍යවරුන් තිස් එක් දෙනෙකුගේ නිවාස වරින් වර බිද වරදකරු වී සිර දඩුවම් විද නිදහස්ව පැමිණ තිස් දෙවන වරට ගාල්ල වැලිවත්තේ පදිංචි නීතිඥවරයෙකුගේ නිවසට ඇතුලුවී රුපියල් විසි ලක්ෂ හය දහසක් වටිනා රන් අබරණ සොරකම් කිරීම සම්බන්ධයෙන් සැකකරුවෙකු අත්අඩංගුවට ගත් බවට ගාල්ල පොලීසිය පවසයි .
පවුලේ සාමාජිකයන් රාත්‍රි නින්දට ගිය පසු ජනේලයකින් ඇතුළු වූ සොරෙකු නිවසේ අල්මාරියක තිබු රුපියල් විසි ලක්ෂ හය දහසක් වටිනා මුදු,මාල, වළලු ඇතුලු තවත් රන් අබරණ රැසක් සොරකම් කර ගෙන ගොස් ඇති බවට නීතිඥවරයා පොලීසියට පැමිණිල්ලක් සිදු කර තිබේ.
ඒ අනුව පරීක්ෂණ පැවැත්වූ පොලීසිය සැකකරු අත්අඩංගුවට ගෙන ප්‍රශ්න කිරීමේදී හෙලිවූ තොරතුරු මත සැකකරු විසින් සොරකම් කරන ලද රන් අබරණ ගාල්ල කලුවැල්ලේ රන් අබරණ වෙළඳ සැලකට විකුණා තිබියදී සොයා ගත් බවටද පොලීසිය සඳහන් කර තිබේ.
